चुनाव नजिकिएसँगै भारतको सेयर बजार आज पनि अल टाइम हाईमा, के कारणले बढ्दैछ ?

काठमाण्डौ । भारतमा लोकसभा निर्वाचन नजिकिएसँगै भारतको सेयर बजारमा उछाल आईरहेको छ । भारतको सेयर बजार पहिलोपटक ७५ हजार विन्दुमाथि पुगेको छ ।  

आज भारतको सेन्सेक्स ७५ हजार १२४ विन्दु र निफ्टी २२ हजार ७६५ विन्दुको अद टाइम हाईको उचाईमा पुगेको छ । आज सुरुवाती कारोबारको क्रममा सेन्सेक्सका ३० वटा कम्पनीको सेयरमध्ये २६ मा वृद्धि देखियो भने ४ वटामा मात्रै गिरावट आयो ।  

अघिल्लो दिन पनि भारतको सेयर बजारले अल टाइम हाईको उचाई चुमेको थियो । यस दिन सेन्सेक्स ७४ हजार ८६९ र निफ्टी २२ हजार ६९७ विन्दुमा पुगेका थिए । तर कारोबारको अन्त्य भने सेन्सेक्सले ७४ हजार ७४२ र निफ्टीले २२ हजार ६६६ विन्दुमा गरेका थिए ।  

भारतमा भारतीय जनता पार्टी(बिजेपी)को सरकार आउने विश्वासका साथ लगानीकर्ताको मनोबल उच्च भएकाले सेयर बजार वृद्धि भईरहेको भारतीय मिडियाले बताएका छन् ।  

यसका साथै विदेशी लगानीकर्ताले समेत भारतीय बजारमा लगानी बढाएकाले त्यहाँको सेयर बजार बढ्न पुगेको हो । पछिल्लो सेसनमा भारतीय बजारमा विदेशी लगानीकर्ताले १ हजार ६५९.२७ करोड भारु लगानी गरेका छन् । जसले मार्केटको सेन्टिमेन्ट सकारात्मक बनेको छ ।  

त्यस्तै अमेरिकी केन्द्रीय बैंक फेटले मार्च महिनामा ब्याजदरमा कटौती गर्ने सम्भावना बढी भएकाले समेत भारतको सेयर बजारमा वृद्धि देखिएको रिपोर्टमा उल्लेख गरिएको छ ।