बालेनसहित अन्य नेताहरुलाई गाली गरेर भिडियो बनाएका युट्युबर पक्राउ

काठमाण्डौ । पाँचथरमा सामाजिक सञ्जालमार्फत आपत्तिजनक अभिव्यक्ति प्रयोग गर्दै भिडिओ बनाएको आरोपमा एक युट्युबर पक्राउ परेका छन् ।

फाल्गुनन्द गाउँपालिका–७ निवासी रोशन पोखरेललाई प्रहरीले नियन्त्रणमा लिएको हो । उनले प्रधानमन्त्री बालेन (बालेन्द्र) शाहसहित अन्य नेताहरूलाई लक्षित गर्दै अपमानजनक शब्द प्रयोग गरी भिडिओ बनाएको आरोप लागेको छ ।

जिल्ला प्रहरी कार्यालय पाँचथरको टोलीले उनलाई चैत २६ गते शुक्रबार पक्राउ गरेको हो । पक्राउपछि उनलाई साइबर अपराधसम्बन्धी मुद्दामा अनुसन्धान अगाडि बढाइएको छ ।

प्रहरीका अनुसार उनले फेसबुक, इन्स्टाग्राम र ‘हेड्स’ नामक युट्युब च्यानलमार्फत विवादास्पद सामग्री सार्वजनिक गर्दै आएका थिए ।