.gif)
(1).gif)
(3).gif)
.gif)
काठमाण्डौ । मितेरी डेभलपमेन्ट बैंक लिमिटेड, नेपालका क्षेत्रीय विकास बैंकहरु मध्यको एक हो । यो बैंक पूर्वको सुनसरी जिल्ला र धरान आसपासलाई आधार बनाएर सञ्चालनमा रहेको छ । बैंकका कर्पोरेट कार्यालयसहित १८ वटा शाखा कार्यालय छन् ।
आधारभूत पक्षः
यस आर्थिक वर्षको दोस्रो त्रैमासिक प्रतिवेदन अनुसार बैंकको चुक्तापूँजी १ अर्ब ११ करोड १४ लाख रुपैयाँ रहेको छ । बैंकको रिटेन्ड अर्निङ ४ करोड ८७ लाख १ हजार रुपैयाँ रहेको छ । बैंकको जगेडा कोषमा ३३ करोड २४ लाख ६० हजार रुपैयाँ रहेको छ । बैंकको खुद मूनाफा ४ करोड ८८ लाख ६९ हजार रुपैयाँ रहेको छ । बैंकको कुल पूँजी १ अर्ब ४९ करोड रुपैयाँ रहेको छ । प्रतिसेयर आम्दानी ८.७९ रुपैयाँ रहेको बैंकको बुक भ्यालु १३४ रुपैयाँ रहको छ । बैंकको खराब कर्जा २.७४ प्रतिशत र १० बर्षको औषत लाभांसदर २१.३ प्रतिशत रहेको छ ।
प्राविधिक पक्षः
फियर एण्ड ग्रिड मिटर
फियर एण्ड ग्रिड मिटरको आधारमा बैंक हाल ६० को तहमा बुलिस सेन्टिमेन्टमा चलेको छ । बैंकको ५२ साताको उच्च मूल्य ४३५ रुपैयाँ रहेको छ भने न्यून मूल्य ३५० रुपैयाँ रहेको छ । हाल दोस्रो बजारमा यो बैंकको अन्तिम मूल्य प्रतिकित्ता ४२३ रुपैयाँ रहेको छ । यो कम्पनीमा ५१ प्रतिशत सेयर सर्वसाधरण समूहको छ भने ४९ प्रतिशत सर्वसाधारण समूहको छ ।
बोलिङगर ब्याण्ड , म्याक्डी र आरएसआई
डेली बेसमा बोलिङगर ब्याण्डको आधारमा यो बैंकको मूल्य रेखाले आज मध्य ब्याण्ड भन्दा तल कारोबार भएको छ । म्याक्डीमा पनि वियरिस क्रसओभर बनेको छ । आरएसआई ओभर बट जोन ७० बाट खसेर हाल ५२ को तहमा रहेको छ । समग्रमा ३ वटै इन्डिकेटरबाट हेर्दा यो बैंकको सेयर भाउमा विस्तारै बिक्री दबाब पर्दै गएको देखिन्छ ।
पिभट विश्लेषण भनेको सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकाल्ने विधि हो ।
बढेमा प्रतिरोध
प्रतिरोध ३ –४६७
प्रतिरोध २ –४५३
प्रतिरोध १– ४४०
पिभट प्वइन्टः ४२६
घटेमा सपोर्ट
सपोर्ट १– ४१४
सपोर्ट २– ४००
सपोर्ट ३ –३८८
निष्कर्षः आधारभूत रुपमा यो बैंकलाई नियाल्दा पछिल्लो वर्षमा रिर्टन अन इक्विटी र प्रतिसेयर आम्दानी घटेको देखिन्छ । बैंकको बुक भ्यालुमा सामान्य प्रगति देखिन्छ भने खुद मुनाफामा गिरावट आएको छ । खराब कर्जा समान्य बढेको छ ।
यस्तै वितरणयोग्य मुनाफामा सामान्य प्रगति भएको देखिन्छ । प्राविधिक रुपमा भने केही इन्डिकेटरहरुले यस बैंकमा अल्पकालिन कारोबारी हाबी हुँदै गरेको देखाएकाले भविष्यमा सेयर भाउमा सामान्य करेक्सन हुन सक्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
(1).gif)
(2).gif)
.gif)
.jpg)
.jpg)
.jpg)
.jpg)
