(1).gif)
(2).gif)
.png)
काठमाण्डौ । त्रिभुवन अन्तर्राष्ट्रिय विमानस्थलबाट विदेश लैजान खोजिएको करिब ३१ लाख ५१ हजार रुपैयाँ बराबरको नेपाली तथा विदेशी मुद्रा प्रहरीले बरामद गरेको छ।
घटनामा संलग्न दुई बंगलादेशी नागरिकलाई नियन्त्रणमा लिएर आवश्यक अनुसन्धानका लागि राजस्व अनुसन्धान विभागमा बुझाइएको छ।
(2).gif)
.gif)
विमानस्थल सुरक्षा कार्यालयका अनुसार असार २८ गते क्वालालम्पुरतर्फ प्रस्थान गर्ने क्रममा रहेका दुई यात्रुको सामान जाँच गर्दा सुटकेसभित्र विशेष रूपमा बनाइएको गोप्य तह (फल्स बटम) मा लुकाइएको नगद फेला परेको हो।
पक्राउ परेका ३९ वर्षीय मोहम्मद इन्ताज अलीबाट १० लाख २५ हजार रुपैयाँ बरामद भएको छ।
यस्तै, ५० वर्षीय एमडी जाकिर होसाइनको साथबाट १२ लाख ३४ हजार रुपैयाँ, १ हजार अमेरिकी डलर र २० हजार मलेसियन रिङ्गिट फेला परेको प्रहरीले जनाएको छ।
(1).gif)
.gif)
बरामद गरिएको रकमको कुल नेपाली मूल्य करिब ३१ लाख ५१ हजार रुपैयाँ रहेको अनुमान गरिएको छ।
अध्यागमन विवरणअनुसार मोहम्मद इन्ताज अली यसअघि २८ पटक र एमडी जाकिर होसाइन ११ पटक नेपाल आवतजावत गरिसकेका छन्।
घटनाको प्रकृति र रकमको स्रोतबारे थप अनुसन्धान गरिरहेको जनाएको छ।
.gif)
(1).gif)
(2).gif)
.png)
.jpg)
