.gif)
_(1).gif)
.jpg)
.png)
काठमाण्डौ । भारत आउने योजना रद्द गरेका अमेरिकी धनाढ्य एलन मस्क चीन पुगेका छन् । मस्क आफ्नो पूर्वनिर्धारित योजना बिनै चीन पुगेको र टेस्लासँग सम्बन्धित केहि नयाँ योजना समेत लगेर गएको जनाइएको छ ।
मस्कले चीनमा ‘फुल सेल्फ ड्राईभिङ(एफएसडी)सफ्टवेयरको रोलआउट र विदेशमा डेटा ट्रान्सफर गर्ने विषयमा छलफल गर्ने छन् । डेटा ट्रान्सफरबाट मस्कले आफ्नो एल्गोरिदमलाई ट्रेन गर्ने छन् र त्यसलाई अझै राम्रो बनाउन काम गर्नेछन् ।
मिडिया रिपोर्टका अनुसार मस्कले बेईजिङमा चीनका प्रधानमन्त्री ली कियाङसँग भेटवार्ता समेत गरेका छन् । उक्त भेटका क्रममा ली ले मस्कलाई चीनमा टेस्लाको विकासलाई अमेरिका र चीनबीचको आर्थिक तथा व्यवसायिक सहयोगको सफल उदाहरणका रुपमा लिन सकिने बताए ।
एलन मस्कले चिनियाँ प्रधानमन्त्रीसँगको भेटवार्ताको तस्बिर एक्समा पोष्ट गर्दै लीसँग लामो समयदेखि चिनजान रहेको र उनलाई भेटन पाउदा खुसी लागेको बताएका छन् ।
टेस्लाले ४ वर्षअघि आफ्नो अटो पाइलट सफ्वेयरको अटोनोमस भर्जन‘फुल सेल्फ ड्राईभिङ(एफएसडी) लञ्च गरेको थियो । तर कयौं ग्राहकहरुको आग्रहपश्चात पनि अहिलेसम्म यो सेवा चीनमा भने उपलब्ध हुन सकेको छैन । चीन विश्वको दोस्रो ठूलो ईभी बजार हो ।
मस्कले यसअघि अप्रिल २२ मा भारत आउने योजना बनाएका थिए । तर अचानक भारत आउने योजना रद्द गर्दै उनी चीन पुगेका हुन् । -एजेन्सी
.gif)
.png)
.jpg)
.jpg)
.gif)
.gif)
.gif)
