(2).gif)
(15).jpg)
.png)
काठमाण्डौ । एनएमबि बैंकले नागरिक एप इन्टिग्रेसनका लागि नेपाल सरकारको सूचना प्रविधि विभागसँग सम्झौता गरेको छ।
यस सहकार्यसँगै अब एनएमबि बैंकका ग्राहकले नागरिक एपमार्फत अनलाइन बैंकिङ फारामहरू सहज रूपमा भर्न सक्नेछन्। यसबाट ग्राहकले आफ्ना व्यक्तिगत विवरण बारम्बार टाइप गर्नुपर्ने झन्झट हट्नुका साथै कागजी प्रक्रिया कम भई बैंकिङ सेवा थप सहज र छिटो हुने बैंकले जनाएको छ।
बैंकका अनुसार ग्राहकको गोपनीयता र व्यक्तिगत विवरणको सुरक्षामा विशेष ध्यान दिइनेछ। ग्राहकले आफ्नो नागरिक एपबाट विवरण प्रयोग गर्ने अनुमति नदिएसम्म बैंकले ती विवरण हेर्न वा प्रयोग गर्न पाउनेछैन।
नागरिक एपबाट प्राप्त जानकारी जुन प्रयोजनका लागि मागिएको हो, सोही प्रयोजनमा मात्र प्रयोग गरिने बैंकले स्पष्ट पारेको छ।
.png)
