यातायात कार्यालयको राजस्व ५० लाखले बढ्यो

काठमाण्डौ । यातायात व्यवस्था सेवा कार्यालयले आर्थिक वर्ष २०८२/८३ मा रु. १ करोड ९४ लाख ४४ हजार राजस्व संकलन गरेको छ। यो रकम अघिल्लो आर्थिक वर्ष २०८१/८२ को तुलनामा करिब रु. ५० लाख बढी हो।

कार्यालयका अनुसार चालक अनुमतिपत्र तथा सवारीसाधनको सङ्ख्यामा भएको वृद्धि र सेवाप्रवाहलाई छिटोछरितो बनाइएकाले राजस्व संकलनमा उल्लेख्य वृद्धि भएको हो।

गत आर्थिक वर्षमा पकेट तथा रुट परमिटबापत रु. १८ लाख ८८ हजार, सवारी दर्ता किताब दस्तुरबापत रु. ६४ लाख ९२ हजार र अग्रिम आयकरबापत रु. ६ लाख ६८ हजार राजस्व संकलन भएको छ। 

त्यस्तै, बेरुजु असुलीबाट रु. १ हजार ५७५ तथा सवारीसाधन करबाट रु. १ करोड ३९ लाख ३ हजार राजस्व संकलन भएको छ ।

कार्यालयले गत आवमा विभिन्न वर्गअन्तर्गत कुल ६२० वटा चालक अनुमतिपत्र वितरण गरेको जनाएको छ। जसअनुसार मोटरसाइकल, स्कुटर तथा मोपेड वर्ग (ए) अन्तर्गत १८८ वटा, कार, जिप तथा डेलिभरी भ्यान वर्ग (बी) अन्तर्गत ३८ वटा तथा चालक अनुमतिपत्रको प्रतिलिपि र नवीकरणतर्फ ३९४ वटा अनुमतिपत्र वितरण गरिएको छ।