.gif)
.gif)
.png)
काठमाण्डौ । बैंकिङ प्रणालीमा रहेको अधिक तरलता प्रशोचन गर्न नेपाल राष्ट्र बैंकले ३० अर्ब रुपैयाँ बराबरको निक्षेप संकलन उपकरण जारी गर्ने भएको छ ।
केन्द्रीय बैंकको मौद्रिक व्यवस्थापन विभागले ३० दिन अवधिको निक्षेप संकलन उपकरणमार्फत बैंक तथा वित्तीय संस्थाबाट उक्त रकम तान्न लागेको हो ।
राष्ट्र बैंकका अनुसार यसका लागि असोज १२ गते दिउँसो ३ बजेसम्म बोलकबोल गर्न सकिनेछ । बोलकबोल ‘अनलाइन बिडिङ सिस्टम सफ्टवेयर’ (ओबीएसएस) मार्फत अनलाइन प्रणालीबाट मात्रै हुनेछ ।
३० दिन अवधिको उक्त उपकरणको साँवा तथा ब्याज भुक्तानी कात्तिक ११ गते गरिनेछ ।
बोलकबोलमा राष्ट्र बैंकबाट इजाजतपत्र प्राप्त ‘क’, ‘ख’ र ‘ग’ वर्गका बैंक तथा वित्तीय संस्थाले सहभागिता जनाउन सक्नेछन् ।
संस्थाहरूले न्यूनतम १० करोड रुपैयाँ र त्यसपछि १० करोड रुपैयाँले भाग जाने गरी अधिकतम आह्वान रकमसम्म बोल गर्न सक्नेछन् ।
(1).gif)
ब्याजदर बोलकबोलबाट निर्धारण हुनेछ । कम ब्याजदर प्रस्ताव गर्ने संस्थालाई प्राथमिकता दिइनेछ भने समान ब्याजदर प्रस्ताव भएको अवस्थामा प्रो–राटा आधारमा रकम बाँडफाँड गरिने राष्ट्र बैंकले जनाएको छ ।
निक्षेप संकलन उपकरणमा राखिएको रकमलाई राष्ट्र बैंकबाहेक अन्य बैंक तथा वित्तीय संस्थामा धितोका रूपमा प्रयोग गर्न सकिने व्यवस्था छ ।
यस उपकरणमा राखिएको रकमलाई अनिवार्य नगद मौज्दात (सीआरआर) मा गणना गर्न भने पाइने छैन । तर वैधानिक तरलता अनुपात (एसएलआर) तथा तरलता अनुपातमा गणना गर्न सकिनेछ ।
तोकिएको परिपक्वता अवधि अर्थात् कात्तिक ११ गतेअघि रकम फिर्ता नहुने व्यवस्था गरिएको छ ।
बोलपत्र स्वीकृत भएका संस्थाको खातामा निष्कासनका दिन पर्याप्त रकम नभएमा त्यस्तो संस्थालाई कालोसूचीमा राखेर आगामी बोलकबोलमा सहभागी हुन रोक लगाइने राष्ट्र बैंकले जनाएको छ ।
.png)
.gif)
.jpg)
(25).jpg)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।