.gif)
_(1).gif)
.jpg)
.png)
काठमाण्डौ । निर्जीवन बीमा कम्पनीहरुले पौने ३३ अर्ब रुपैया बीमा शुल्क आर्जन गरेका छन् । नेपाल बीमा प्राधिकरणका अनुसार चालु आर्थिक वर्षको १० महिनामा १४ निर्जीवन बीमा कम्पनीले ३२ अर्ब ८७ करोड ४८ लाख रुपैयाँ प्रिमियम संकलन गरेका हुन् ।
निर्जीवन बीमकहरुले संकलन गरेको यो प्रिमियम गत आवको तुलनामा ०.५७ प्रतिशतले मात्रै बढी हो । गत आर्थिक वर्षको यसै अवधिसम्म निर्जीवन बीमा कम्पनीहरुले ३२ अर्ब ६८ करोड रुपैयाँ मात्रै बीमा शुल्क संकलन गरेका थिए ।
निर्जीवन बीमा कम्पनीहरुले गत आर्थिक वर्षको यस अवधिसम्मको तुलनामा खासै व्यवसाय बढाउन सकेका छैनन् । देशको अर्थतन्त्र सुधारिंदै जादा पनि निर्जीवन बीमकहरुको बीमा शुल्क आर्जन बढ्न सकेको छैन । गत वर्षको तुलनामा आर्थिक गतिविधि तथा क्रियाकलाप बढेपनि निर्जीवन बीमकहरुको व्यवसाय भने सोचेजस्तो वृद्धि हुन सकेको छैन ।
पछिल्लो समय इभी गाडी उल्लेख्य भित्रिएका छन् । विद्युतीय सवारी साधन प्रयोगकर्ताको संख्या बढेको छ । तर निर्जीवन बीमा कम्पनीहरुले उल्लेख्य प्रिमियम संकलन गर्न सकेका छैनन् । सरकारले कृषि बीमा अन्तर्गत बीमा कम्पनीहरुलाई पूर्ण अनुदान नदिंदा केही दुई महिनादेखि निर्जीवन बीमा कम्पनीहरुले अनुदानमा आधारित कृषि बीमा बिक्री बन्द गरेका थिए । यसैको असर बीमा कम्पनीहरुको व्यवसायमा देखिएको छ ।
सञ्चालनमा रहेका १४ निर्जीवन बीमा कम्पनीमध्ये सो अवधिसम्म १० वटा कम्पनीले गत आवको तुलनामा व्यवसाय बृद्धि गरेका छन् भने ४ वटा कम्पनीको व्यवसाय खस्किएको छ ।
चालु आवको वैशाख महिनासम्ममा सर्वाधिक प्रिमियम संकलन गर्नेमा शिखर इन्स्योरेन्स रहेको छ । कम्पनीले सो अवधिसम्म ४ अर्ब ५४ करोड रुपैयाँ बीमा शुल्क संकलन गरेर सर्वाधिक व्यवसाय गर्ने निर्जीवन बीमा कम्पनी बनेको छ ।
त्यस्तै, दोस्रोमा सगरमाथा लुम्बिनी इन्स्योरेन्सले ३ अर्ब ८८ करोड रुपैयाँ प्रिमियम संकलन गरेको छ । यसका साथै सगरमाथा लुम्बिनीलाई पच्छ्याउँदै सिद्धार्थ प्रिमियर इन्स्योरेन्सले पनि ३ अर्ब १८ करोड रुपैयाँ बीमा शुल्क संकलन गरेको छ ।
१० महिनासम्ममा हिमालयन एभरेष्ट इन्स्योरेन्सको पनि व्यवसाय उत्कृष्ट देखिएको छ । कम्पनीले सो अवधिसम्म २ अर्ब ९३ करोड रुपैयाँ बीमा शुल्क आर्जन गरेको छ ।
(1).gif)
त्यस्तै, आइजीआई प्रुडेन्सिय इन्स्योरेन्सले २ अर्ब ८८ करोड, नेकोले २ अर्ब ६४ करोड, युनाइटेड अजोडले २ अर्ब १७ करोड, एनएलजीले २ अर्ब ३ करोड, सानिमा जिआइसीले १ अर्ब ९४ करोड, दि ओरियन्टल इन्स्योरेन्सले १ अर्ब ६४ करोड, प्रभु इन्स्योरेन्सले १ अर्ब ४४ करोड, राष्ट्रिय बीमा कम्पनीले १ अर्ब ३४ करोड, नेपाल इन्स्योरेन्सले १ अर्ब २५ करोड र नेशनल इन्स्योरेन्सले ९४ करोड रुपैयाँ प्रिमियम संकलन गरेको छ ।
गत आवको तुलनामा सबैभन्दा व्यवसाय बढाउनेमा भने दि। ओरियन्टल इन्स्योरेन्स अघि रहेको छ । कम्पनीले गत आवको यस अवधिसम्मको तुलनामा चालु आवको १० महिनासम्म ४१.८० प्रतिशतले व्यवसाय बढाएको छ ।
त्यस्तै, दोस्रोमा हिमालयन एभरेष्ट इन्स्योरेन्सले १७.६६ प्रतिशतले व्यवसाय बढाउन सफल भएको छ । गत आवको वैशाखसम्म २ अर्ब ४९ करोड रुपैयाँ प्रिमियम संकलन गरेको यस कम्पनीले चालु आवको वैशाखसम्म झण्डै ३ अर्ब अर्थात् २ अर्ब ९३ करोड रुपैयाँ प्रिमियम संकलन गर्न सफल भएको छ ।
साथै गत आवको तुलनामा सर्वाधिक व्यवसाय खस्किनेमा राष्ट्रिय बीमा कम्पनी रहेको छ । कम्पनीको बीमा शुल्क आर्जन ३३।८३ प्रतिशतले घटेको छ । साथै युनाइटेड अजोड इन्स्योरेन्सको पनि २४.१२ प्रतिशतले व्यवसाय खस्केको छ ।
.gif)
.png)
(1).png)
.jpg)
.png)
.jpg)
.gif)
(1).gif)
.gif)
