.gif)
_(1).gif)
.png)
काठमाण्डौ । नेपाल उद्योग वाणिज्य महासंघ कोशी प्रदेशले प्रादेशिक व्यापार रणनीति सम्बन्धमा महासंघका वस्तुगत संघहरूसँग अन्तरक्रिया कार्यक्रम सम्पन्न गरेको छ । नेपाल अलैची व्यवसायी महासंघ र चिया उत्पादक संघ सँगको झापाको बिर्तामोडमा आयोजित कार्यक्रमको अध्यक्षता नेपाल उद्योग वाणिज्य महासंघ कोशी प्रदेशका उपाध्यक्ष कुमारमणि पोखरेलले गरेका थिए ।
कार्यक्रममा नेपाल सरकारका पूर्व वाणिज्य सचिव पुरुषोत्तम ओझाले रणनीतिको खाका प्रस्तुत गरेका थिए ।
कार्यक्रममा महासंघ उपाध्यक्ष कुमारमणि पोखरेलले कोशी प्रदेशका कृषि उपजहरूले नेपालको निर्यातमा महत्वपूर्ण योगदान पु¥याएको बताउँदै, पहिचान भएका प्रदेशका निर्यात योग्य कृषि उपजहरू लक्षित रणनीति निर्माणले आर्थिक विकासमा योगदान पुग्ने बताए । कार्यक्रमको खुला छलफलमा भाग लिँदै नेपाल अलैची व्यवसायी महासंघका अनिल ढुङ्गानाले अलैची निर्यात समिति र अलैची अनुसन्धानको लागि सूचना केन्द्रको आवश्यकता औल्याए ।
(1).gif)
चिया उत्पादक संघका अध्यक्ष आदित्य पराजुलीले कोशी प्रदेशका प्रमुख निर्यात वस्तु चिया र अलैची रहेको बताउँदै नेपाल उद्योग वाणिज्य महासंघ ले यसको प्रवर्धनमा के योगदान गरेको छ भनी प्रश्न गरे । स्वदेशी उद्योगहरू धरायसी बनिरहेको अवस्थामा महासंघले यसलाई जोगाउन भूमिका खेल्नुपर्ने उनले बताए ।
व्यवसायी ओम कृष्ण ज्ञवालीले खुल्ला आयातलाई रोक्नुपर्ने बताउँदै कृषि व्यापार प्रवर्द्धनको लागि नीति निर्माणमा सरकार कमजोर रहेको बताउँदै तथ्यमा आधारित नीति रणनीति निर्माणले मात्र कृषि व्यापार प्रवर्द्धन गर्ने बताए । चिया व्यवसायी गोपाल दाहालले विश्व बजारमा अर्गानिक चियाको राम्रो बजार रहेको बताउँदै अर्गानिक प्रमाणीकरण प्रक्रियामा सरकारले निजी क्षेत्रलाई सहजीकरण गर्नुपर्नेमा जोड दिए ।
अलैची व्यवसायी पार्वता खरेलले कृषि व्यापार रणनीतिले किसानका समस्यालाई सम्बोधन गर्नुपर्ने बताउँदै वेयरहाउस रिसिप्टको आवश्यकता औल्याए ।
उद्योग वाणिज्य महासंघ कोशी प्रदेशका निवर्तमान अध्यक्ष टिकाराज ढकालले महासंघले कृषि व्यापार प्रवर्द्धनको लागि राज्यसँग सहजीकरण गरीरहेको जानकारी दिए ।
.gif)
.png)
.jpg)
.jpg)
.jpg)
.gif)
.gif)
