.gif)
_(1).gif)
.jpg)
.png)
काठमाण्डौ । अमेरिकाको तेस्रो ठूलो बैंकले एक दर्जन बढी कामचोर कर्मचारीलाई पदमुक्त गरेको छ । वेल्स फार्गो नामक बैंकले सम्पत्ति तथा लगानी व्यवस्थापन विभागमा काम गर्ने एक दर्जन बढी कर्मचारीलाई काम ठगेको आरोपमा बैंकबाट निकालेको हो ।
ब्लूमबर्गको रिपोर्टका अनुसार ती कर्मचारीहरुलाई सक्रिय रुपमा काम गरेको देखाउन किबोर्ड क्रियाकलापमा छेडखानी गरेको आरोपमा बैंकबाट निष्कासशित गरिएको हो ।
कर्मचारीहरु माथि लागेको आरोपको अनुसन्धानको क्रममा उनीहरुले कामलाई नक्कल गर्न ‘माउस मुभर्स’ वा ‘माउस जिगलर्स’नामक सफ्टवेयर प्रयोग गरेको पाइएको थियो । रिपोर्टका अनुसार यस्ता ग्याजेट्सहरु अमेजन डट कममा २० डलरभन्दा कम मूल्य पाइन्छन् ।
(1).gif)
‘वेल्स फार्गोले कर्मचारीहरुको उच्च स्तरको मापदण्ड सेट गरेको छ र बैंकलाई कुनै पनि प्रकारको अनैतिक व्यवहार सह्य छैन ,’बैंकका प्रवक्ता विज्ञप्तीमा भनेका छन् ।
कोरोना महामारीको अन्त्यपछि अमेरिकी बैंक तथा वित्तीय संस्थाहरुले आक्रामक रुपमा आफ्ना कर्मचारीहरुलाई पुनःकार्यालयबाटै काम गर्न आउन निर्देशन दिएका थिए । तर वेल्स फार्गो बैंकले भने आफ्ना प्रतिस्पर्धी बैंकहरु,जेपीमोर्गन चेस एण्ड कम्पनी र गोल्डम्यान स्याक्स ग्रुप इंक भन्दा निकै ढिलो गरी कर्मचारीलाई पुनः कार्यालयबाटै काम गर्न निर्देशन दिएको थियो ।
बैंकले सन् २०२२ देखि कर्मचारीहरुलाई ‘हाईब्रिड फ्लेक्जिबल मोडल’ नामक लचिलो नीति ल्याएको थियो । बैंकले केहि कर्मचारीका लागि साताको ३ दिन अनिवार्य रुपमा कार्यालयमा आएर काम गर्नुपर्ने व्यवस्था गरेको छ । यस्तै बैंकले व्यवस्थापन समितिका सदस्यलाई ४ दिन र शाखा कार्यालयका कर्मचारीलाई ५ दिन कार्यालय आएर काम गर्नुपर्ने व्यवस्था गरेको छ । –एजेन्सी
.gif)
.png)
.jpg)
.jpg)
.gif)
(1).gif)
.gif)
