.gif)
_(1).gif)
.png)
काठमाण्डौ । आर्थिक क्षेत्रका कतिपय विज्ञहरुले बेला बेला रु. १००० र रु. ५०० का नेपाली नोटमाथि प्रतिबन्ध लगाउने विषयले संसदमा प्रवेश पाएको छ ।
नेपाली कांग्रेसका उपसभापति तथा संघीय सांसद धनराज गुरुंगले १००० र ५०० रुपैयाँ नोटमाथि प्रतिबन्ध लगाएर धेरै खालका आर्थिक विकृतिहरु निस्तेज पारिने तर्क पेश गरेका हुन् ।
(1).gif)
बुधबार प्रतिनिधिसभाको बैठकमा युवा तथा खेलकूद मन्त्रालयको बजेटमाथि छलफलमा सहभागी भएका गुरुंगले आर्थिक क्षेत्रमा व्याप्त अनुशासनहीनता अन्त्यका लागि पनि रु. १००० र ५०० को नोटमाथि प्रतिबन्ध लगाउनुपर्ने दाबी गरे ।
ठूला नोटमा प्रतिबन्ध लगाउन सकेमा भ्रष्टाचार रोकिने, गैरकानूनी कारोबार नियन्त्रणमा आउने र सरकारको राजश्व चुहावट नियन्त्रणमा समेत उल्लेख्य प्रगति हासिल हुने दाबी गरे।
‘सरकारमा रहेका साथीहरुले १००० र ५०० रुपैयाँको नोटमाथि प्रतिबन्ध लगाउन सक्नुपर्छ । मेरो यो प्रस्ताव आर्थिक सुशासनका लागि हो ।’ उपसभापति गुरुङले संसद बैठकमा भने–‘यी दुई ठूला नोटमाथि प्रतिबन्ध लगाए देशमा व्याप्त गैरकानूनी कारोबारमध्ये ८० प्रतिशत रोकिन्छ । ८० प्रतिशत भ्रष्टाचार रोकिन्छ । राजश्व चुहावट पनि ८० प्रतिशत रोकिन्छ । पानी र जमिनमुनी लुकाएर राखिएको पैसा प्रणालीमा आउँछ ।’
.gif)
.png)
.jpeg)
.gif)
(1).gif)
.gif)
