.gif)
(1).gif)
_(1).gif)
.png)
काठमाण्डौ । विश्वका धनाढ्यहरुले आफ्नो देश छाड्ने क्रम तीव्र बनेको छ । लगानीको वातावरण सहज नहुनु र करको विषय जस्ता विविध कारणले विश्वका धनाढ्यहरुले आफ्नो देश छाड्ने क्रम बढेको हो ।
यो वर्ष भने सबैभन्दा धेरै चिनियाँ धनाढ्यहरुले चीन छाड्ने भएका छन् । हेनले एण्ड पाटनर्सले सार्वजनिक गरेको ‘प्राइभेट वेल्थ माईग्रेशन २०२४’को रिपोर्टका अनुसार यो वर्ष १५ हजार २ सय चिनियाँ धनाढ्यले देश छाड्न सक्छन् । पछिल्लो समय चीनबाट बाहिरिने धनाढ्यको संख्या प्रत्येक वर्ष वृद्धि भईरहेको रिपोर्टमा उल्लेख छ ।
यस्तै दोस्रो स्थानमा बेलायत रहेको छ । रिपोर्टका अनुसार बेलायतबाट यो वर्ष ९ हजार ५ सय धनाढ्य बाहिरिन सक्छन् । यस्तै तेस्रो स्थानमा भने भारत रहेको छ । यो वर्ष ४ हजार ३ सय धनाढ्यले भारत छाड्ने छन् । सन् २०२२ मा भारतबाट बाहिरिने धनाढ्यको संख्या करिब ७ हजार र सन् २०२३ मा ५ हजार १ सय थियो ।
यसरी भारतबाट बाहिरिने धनाढ्यको संख्यामा कमी आईरहेको छ ।
त्यस्तै दक्षिण कोरियामा यो आँकडा १२ सय ,रुसमा १ हजार ब्राजिलमा ८ सय,दक्षिण अफ्रिकामा ६ सय ताइवानमा ४ सय र नाइजेरिया र भियतनाममा ३÷३ सय रहेको छ ।
कहाँ जान्छन् त धनाढ्य ?
विश्वभरका देशहरुबाट बाहिरिएका अधिकांश धनाढ्यहरुको पहिलो रोजाई युएई बनेको छ । हेनले एण्ड पाटनर्सका अनुसार यो वर्ष यएईमा ६ हजार ७ सय धनाढ्य भित्रन सक्छन् । त्यस्तै अमेरिकामा ३ हजार ८ सय,सिंगापुरमा ३ हजार ५ सय,क्यानडामा ३ हजार २ सय,अष्ट्रेलियामा २ हजार ५ सय,इटलीमा २ हजार २ सय,स्विट्जरल्याण्डमा १५ सय,ग्रीसमा १२ सय,पोर्चुगलमा ८ सय र जापानमा ४ सय धनाढ्य भित्रने सम्भावना रहेको छ ।
किन छाड्दै छन् धनाढ्यले आफ्नो देश ?
लगानीको सहज वातावतरण नहुनु, करको जटिल व्यवस्था र सरकारी निती नियमको कडाईका धनाढ्यहरुले आफ्नो देश छाड्ने क्रम बढीरहेको छ । यसका साथै थप सम्भावनाको खोजी र स्वदेशको खस्कदो अर्थतन्त्रका कारण पनि धनाढ्यहरुले देश छाडिरहेको रिपोर्टमा उल्लेख गरिएको छ ।-एजेन्सी
.gif)
.png)
.jpg)
.jpg)
.png)
.gif)
.gif)
