.gif)
_(1).gif)
.jpg)
.png)
काठमाण्डौ । बुधबार त्रिभुवन विमानस्थलमा दुर्घटना भएको सौर्य एयरलाइन्सको जहाजको बीमा प्रभु इन्स्योरेन्समा गरिएको खुलेको छ ।
९ एन–एएमई सीआरजे २०० जहाज दुर्घटनापछि प्रभु इन्स्योरेन्सले क्षतिपूर्तिबापत दाबी भुक्तानी दिनुपर्ने भएको छ । दुर्घटनाग्रस्त सौर्य एयरलाइन्सको उक्त जहाजको कम्तीमा ३० करोड र यात्रुको समेत नियम अनुसारको बीमा गरिएको स्रोतले जनाएको छ ।
प्रभु इन्योरेन्समा ठूलो रकमको बीमा दाबी परेपनि नेपालमा हवाई बीमाको अवधारण न्यून हुने भएकाले कम्पनीलाई बीमा दाबीको भार पर्ने छैन । ९९ प्रतिशत बीमा विदेशमा गरिएकाले सो एयरलाइन्सको बीमा दाबी विदेशी पुनर्बीमा कम्पनीले ब्यहोर्ने देखिन्छ ।
(1).gif)
कम्पनीले सौर्य एयरलाइन्सको हवाईजहाज र यात्रुको बीमामा ०।३ देखि ०।५ प्रतिशत मात्रै जोखिम राखेको छ । सो कारण ठूलो रकम दाबी परेपनि कम्पनीले सबै ब्यहोर्नु पर्ने छैन ।
सौर्य एयरलायइन्सको बुधबार विहान दुर्घटना भएको जहाजमा चालदलका दुई जना सदस्यसहित १९ जना रहेका थिए । जहाज दुर्घटनामा परेको व्यक्तिहरुमा सौर्य एयरका १७ जना कर्मचारी परेका छन् ।
चालक दलका दुई सदस्यमा मनिष शाक्य र एस कटुवाल रहेका छन् । विमान सवार दुर्घटनामा १८ जनाको मृत्यु भएको छ भने पाइलट शाक्य बाँचेका छन् । पाइलट शाक्यको सिनामंगलस्थित केएमसी अस्पतालमा उपचार भइरहेको छ ।
बुधबार विहान ११ बजेर ११ मिनेटमा विमान उड्नासाथ दुर्घटनामा परेको थियो । दाहिनेतर्फ मोडिएको विमान कन्टेनरमा ठोक्किएर गोठाटारतर्फको खाली भागमा खसेको थियो ।
.gif)
.png)
.jpg)
.png)
.jpg)
.gif)
(1).gif)
.gif)
