.gif)
_(1).gif)
.png)
काठमाण्डौ । अमेरिकी बहुराष्ट्रिय प्राविधिक कम्पनी एनभिडियाको सेयरमूल्य झण्डै १३ प्रतिशतले बढेको छ । यसका साथै एकैदिन कम्पनीको बजार पूँजीकरण ३३० बिलियन डलरले वृद्धि भएको छ । वालस्ट्रिटको कुनैपनि कम्पनीको सेयरमूल्यमा एक दिनमा भएको यो अहिलेसम्मकै उच्च वृद्धि हो ।
बुधबार एनभिडियाको सेयरमूल्य १२.८१ प्रतिशतले बढेर प्रतिकित्ता मूल्य ११७.०२ डलर कायम भएको छ । यो वृद्धिसँगै कम्पनीको बजार पूँजीकरण २.८८ ट्रिलियन डलर पुगेको छ । बजार पूँजीकरणका हिसाबले एनभिडिया अमेरिकाको तेस्रो ठूलो कम्पनी हो । सूचीको पहिलो र दोस्रो स्थानमा क्रमशःएप्पल र माइक्रोसफ्ट रहेका छन् ।
(1).gif)
एनभिडियाको बजार पूँजीकरण गत जुन १८ मा ३.३४ ट्रिलियन डलर पुगेको थियो ।
माइक्रोसफ्टले मंगलबार सार्वजनिक गरेको प्रतिवेदनमा एआई विकासका लागि व्यापक खर्च वृद्धि भएको देखिएपछि एनभिडियाले बनाउने प्रोसेसरको मागमा वृद्धि आउने अपेक्षाका कारण कम्पनीको सेयरमूल्यमा उछाल आएको हो ।
यस्तै मोगर्न स्टान्लेले पनि कम्पनीको सेयरलाई ‘टप पिक’ सेयरका रुपमा राखेसँगै सेयरमूल्यमा उछाल आएको जनाइएको छ ।
सन् २०२४ मा एनभिडियाको सेयरमूल्य १४० प्रतिशतभन्दा धेरैले बढेको छ । कम्पनीले अगस्ट महिनामा आफ्नो वित्तीय विवरण सार्वजनिक गर्दैछ ।
.gif)
.png)
.jpg)
.png)
(21).jpg)
.png)
.gif)
(1).gif)
.gif)
