नेशनल क्यापिटलले डाक्यो विशेष साधारण सभा

काठमाण्डौ । नेशनल क्यापिटल लिमिटेडले विशेष साधारण सभा डाकेको छ । कम्पनीको साउन १७ गते बसेको सञ्चालक समितिको बैठकले आगामी भदौ ९ गतेका लागि सभा डाकेको हो ।

उक्त सभा दिनको २ बजे काठमाण्डौमा रहेको कम्पनीको रजिष्टर्ड कार्यालयमा आयोजना हुनेछ । सभामा कम्पनीको रजिष्टर्ड कार्यालय रहने ठेगाना परिवर्तन गरी प्रबन्धपत्र दफा २ तथा नियमावलीको नियम २ संशोधन सम्बन्धी विशेष प्रस्ताव पारित गरिनेछ ।

यस्तै कम्पनीले खरिद वा भाडामा लिएको जग्गा,भवन,सवारी साधनलाई पुनःभाडामा दिन मिल्ने व्यवस्था गराई कम्पनीको प्रबन्धपत्रको दफा ५(ढ) संशोधन सम्बन्धी विशेष प्रस्ताव पारित गरिनेछ ।