अपर हेवाखोला हाईड्रोपावरले डाक्यो विशेष साधारण सभा, हकप्रद निष्कासन मुख्य प्रस्ताव
काठमाण्डौ । अपर हेवाखोला हाईड्रोपावर कम्पनी लिमिटेडले आगामी चैत २२ गते विशेष साधारण सभा आयोजना गर्ने भएको छ । चैत ३ गते बसेको कम्पनीको सञ्चालक समितिको बैठकले काठमाण्डौको अनामनगरमा रहेको युनियन हाउसमा बिहान ११ बजेदेखि सभा आयोजना गर्ने निर्णय गरेको हो । सभामा कम्पनीको हाल कायम चुक्तापूँजी ५० करोडको १ः१ अनुपातमा हकप्रद सेयर जारी गर्ने विशेष प्रस्ताव पारित गरिनेछ ।