ईङ्वा हाइड्रोपावरको घाटा ५६८% ले बढ्यो, रिपोर्ट आएकै दिन सेयरमूल्यमा भने अपर सर्किट

Capital Market
बुधबार, श्रावण ३०,२०८१ 16:20:56

काठमाण्डौ । ईङ्वा हाइड्रोपावर लिमिटेडको घाटा ५६८.०५ प्रतिशतले बढेको छ । कम्पनीले सार्वजनिक गरेको गत आर्थिक वर्ष २०८०/८१ को अपरिष्कृत वित्तीय विवरण अनुसार कम्पनीले ४९ लाख ५५ हजार रुपैयाँ घाटा व्यहोरेको छ ।

अघिल्लो आवको सोही अवधिसम्म कम्पनीको घाटा जम्मा ७ लाख हजार ४१ हजार रुपैयाँ थियो । कम्पनीले विद्युत बिक्रीबाट ६ करोड ५१ लाख रुपैयाँ आर्जन गरेको छ । कम्पनीले गत चैत २८ गतेदेखि ७.९ मेगावाटको अपर ईङ्वा खोला स्मल हाईड्रोपावरबाट विद्युत उत्पादन सुरु गरेको छ ।

कम्पनीको यो अवधिसम्म ८ करोड ८३ लाख रुपैयाँबराबरको कुल खर्च गरेको छ । अघिल्लो आवसम्म कम्पनीको कुल खर्च ७ लाख ४१ हजार रुपैयाँ मात्रै थियो ।

कम्पनीको चुक्तापूँजी ६० करोड रुपैयाँबराबर रहेको छ । समीक्षा अवधिसम्म कम्पनीको कुल चालु सम्पत्ति १३ करोड ३९ लाख र कुल चालु दायित्व ५१ करोड ४० लाख रुपैयाँ रहेको छ ।

यस्तै कम्पनीको प्रतिसेयर आम्दानी(वार्षिकीकरण गरिएको )०.८३ रुपैयाँले ऋणात्मक, प्रतिसेयर नेटवर्थ ९७.६१ रुपैयाँ, मूल्य आम्दानी अनुपात ५४४.८५ गुणा ऋणात्मक र तरलता अ नुपात ०.२६ प्रतिशत कायम भएको छ । अधिकांश सूचकमा कमजोर देखिएपनि आज यो कम्पनीको सेयरमूल्यमा भने अपर सर्किट लागेको छ । यो कम्पनीको सेयरमूल्य आज १० प्रतिशतले बढेर प्रतिकित्ता ६२५ रुपैयाँ पुगेको छ ।