खर्च बढ्दा अपि पावरको नाफामा ९६.५६% को पहिरो,यस्तो छ अन्य वित्तीय सूचकको अवस्था

Capital Market
बिहीबार, माघ २५,२०८० 10:07:58

काठमाण्डौ । अपि पावर कम्पनी लिमिटेडको नाफामा ९६.५६ प्रतिशतको पहिरो गएको छ । कम्पनीले चालु आर्थिक वर्षको दोस्रो त्रैमाससम्म २१ लाख ४३ हजार रुपैयाँ खुद नाफा आर्जन गरेको छ । जुन अघिल्लो आवको सोहि अवधिको ६ करोड २३ लाखको तुलनामा ९६.५६ प्रतिशतले कम हो ।

कम्पनीको खर्चमा भएको वृद्धिका कारण नाफा प्रभावित बन्न पुगेको हो । कम्पनीको वित्त खर्च ११७.६५ प्रतिशतले बढ्दै २१ करोड ४७ लाख रुपैयाँ पुगेको छ ।

त्यस्तै, कम्पनीको प्रशासनिक खर्च पनि ३२ लाख २७ करोडबाट बढेर १ करोड ७३ लाख रुपैयाँ पुगेको छ ।

कम्पनीको आम्दानी भने १२६ .०९ प्रतिशतले वृद्धि भएको छ । कम्पनीले समीक्षा अवधिसम्म ६२ करोड ६६ हजार रुपैयाँबराबरको आम्दानी गरेको छ । कम्पनीले कर्मचारीको बोनसमा कटौति गरेको छ । अघिल्लो आवको दोस्रो त्रैमाससम्म कर्मचारीको बोनसका लागि १७ लाख ८६ हजार रुपैयाँ छुट्टाएको कम्पनीले समीक्षा अवधिमा भने १ लाख ४४ हजार मात्रै छु्ट्टाएको छ । १ अर्ब ११ करोड रुपैयाँ कर्जा लिएको कम्पनीको नगद मौज्जाद १ करोड २५ लाख रुपैयाँ रहेको छ ।

समीक्षा अवधिसम्म कम्पनीको प्रतिसेयर आम्दानी २.७५ रुपैयाँ,प्रतिसेयर नेटवर्थ १०३.३१ रुपैयाँ र मूल्य आम्दानी अनुपात ७०.६५ गुणा कायम भएको छ ।