कनेक्ट आईपीएसबाट फ्लाइट तथा बस टिकटको भुक्तानी गर्दा क्यासब्याक र छुट पाइने

काठमाण्डौ । चाडपर्वको समयलाई लक्षित गर्दै फ्लाइट तथा बस टिकटको भुक्तानी कनेक्ट आईपीएसबाट गर्दा आकर्षक ‘शुभलाभ अफर’सार्वजनिक भएको छ । 

जसअन्तर्गत विभिन्न एयरलाइन्सको फ्लाइट तथा बस सेवाको टिकटको भुक्तानी कनेक्ट आईपीएसमार्फत गर्दा आकर्षक क्यासब्याक तथा छुट पाउन सकिन्छ । क्यासब्याक अफर बुद्ध एयर प्रालि, श्री एयरलाइन्स प्रालि,यति एयरलाइन्स प्रालि र बस सेवा ट्राभल एण्ड टुरको टिकट भुक्तानीमा उपलब्ध रहेको छ ।

बुद्ध एयरको फ्लाइट खरिद गरेर कनेक्ट आइपीएसबाट भुक्तानी गर्दा ग्राहकहरुले रु १०१ क्यासब्याक पाउन सक्नेछन् । त्यस्तै श्री एयरलाइन्सको फ्लाइट टिकटको भुक्तानी कनेक्ट आइपीएसबाट गर्दा रु ५०१ क्यासब्याक प्राप्त गर्न सकिन्छ ।  

साथै, यति एयरलाइन्सको फ्लाइट टिकट भुक्तानीमा …YTCIPSÚ प्रोमो कोड प्रयोग गरेर रु २५० एयरलाइन्सको छुटसँगै रु २५१ क्यासब्याक प्राप्त गर्न सकिन्छ । त्यस्तै बस सेवाबाट टिकट काटेर कनेक्ट आइपीएस मार्फत भुक्तानी गर्ने पहिलो १ हजार ग्राहकहरुले रु ५१ क्यासब्याक प्राप्त गर्नेछन् । यी सम्पूर्ण अफरहरुमा प्रतिबैंक खातामा एक पटक मात्र क्यासब्याक प्राप्त हुनेछ भने सो अफर असोज ५ गतेदेखि असोज १६ गतेसम्म उपलब्ध हुनेछ ।