.gif)
_(1).gif)
.png)
काठमाण्डौ । अमेजनका संस्थापक तथा विश्वका धनाढ्य जेफ बेजोसले कम्पनीको १.२ करोड कित्ता सेयर बिक्री गरेका छन् ।
यो सेयरको मूल्य २ अर्ब डलर हुन आउँछ । बेजोसले यो सेयर गत बुधबार बिक्री गरेका थिए । सन् २०२१ पनि बेजोसले पहिलोपटक कम्पनीको सेयर बिक्री गरेका हुन् ।
गत फेब्रुअरी २ मा अमेजनले जेफ बेजोसले अगामी १२ महिनाको अवधिमा ५ करोड कित्ता सेयर बिक्री गर्ने जनाएको थियो । यो सेयरको बजार मूल्य करीब ९ अर्ब डलर हुन आउँछ । कम्पनीका प्रतिवेदनका अनुसार सेयर बिक्री गर्ने योजना गत नोभेम्बर ८ मा सुरु भएको थियो र यो योजना सन् २०२५ जनवरी २१ सम्म पुरा हुनेछ ।
बेजोसले सन् २००२ देखि २०२१ सम्म ३० अर्ब डलर मूल्यबराबरको सेयर बिक्री गरेका छन् । उनले सबैभन्दा धेरै सेयर सन् २०२० र २०२१ मा बिक्री गरेका थिए । यी दुवै वर्षमा उनले कुल २० अर्ब डलर मूल्यबराबरको सेयर बिक्री गरेका थिए ।
बेजोसले अमेजनको सुरुवात इन्टरनेटमा किताब बेचेर सुरु गरेका थिए र अहिले कम्पनीलाई सफलताको शिखरमा पुर्याएका छन् । उनी विश्वको तेस्रो धनाढ्य हुन् । उनको नेटवर्थ १९६ अर्ब डलरबराबर छ ।
.gif)
.png)
.jpg)
.jpg)
.png)
.gif)
.gif)
.gif)
