नेशनल लाइफको संस्थापक सेयर बिक्रीमा, न्यूनतम मूल्य कति ?

काठमाण्डौ । स्वदेशी सेक्युरिटिज् एण्ड इन्भेष्टमेन्ट प्रालिले आफ्नो नाममा रहेको नेशनल लाइफ इन्स्योरेन्स कम्पनीको संस्थापक समूहको सेयर बिक्रीमा राखेको छ । कम्पनीले नेशनल लाइफको १५ हजार ९४५ कित्ता सेयर आजदेखि बिक्रीमा राखेको हो ।

सेयरको न्यूनतम मूल्य प्रतिकित्ता १८५ रुपैयाँ निर्धारण गरिएको छ । सेयर खरिदका लागि योग्य इच्छुक विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् । 

लगानीकर्ताले असोज २० गते कार्यालय समयभित्र बिक्री प्रबन्धक एनआईसी एशिया क्यापिटलमा आइपुग्ने गरी प्रति कित्ता के कति दर रेटमा लिन कबुल गर्ने हो उल्लेख गरी आवेदन दिनु पर्नेछ । 

विद्यमान संस्थापक सेयरधनीहरुलाई प्राथमिकता दिई ३५ दिने सूचना जारी गरि यसअघि नै उक्त सेयर बिक्रीमा रािखएको थियो । तर विद्यमान संस्थापकहरुबाट आवेदन नपरेपछि सर्वसाधारणलाई सेयर बिक्री गर्न लागिएको हो । 

लगानीकर्ताले न्यूनतम १ हजार कित्ताका लागि आवेदन दिनु पर्नेछ भने अधिकतममा सम्पूर्ण कित्ताका लागि आवेदन दिन सकिनेछ ।