नेप्सेको सपोर्ट जोनमा बुलिस मारुबुजु क्याण्डल,अबको सम्भावना कस्तो ?

काठमाण्डौ । आज बजार ४४ अंकले बढेर बन्द भएको छ । योसँगै आज बजारको सपोर्ट जोनमा बुलिस मारुबुजु क्याण्डल बनेको छ । यसले बढ्दो बजारलाई संकेत गर्छ ।  

यस अघि २ दिने क्याण्डलमा ट्वीजर बटम बनाएको बजारले आज बुलिस क्याण्डल बनाएको हो । तर बजारमा आज सेयर कारोबार र भोल्युममा भने सुधार हुन सकेको छैन । यस कारण यदि आगामी कारोबारमा ५ अर्ब भन्दा माथि कारोबारसहित बजार २५४० विन्दु भन्दा माथि टिक्छ भने बजारले पुन अप ट्रेन्ट लिँदै गरेको मान्न सकिन्छ । 

बोलिङ्गर ब्याण्ड मार्फत नियाल्दा बजार हाल तल्लो ब्याण्डमा चलेको देखिन्छ । म्याक्डीमा पनि बिस्तारै हिस्टोग्राम छोटा–छोटा हुँदै गएका छन् तर बुलिस क्रसओभर भने भईहालको अवस्था होइन ।  

आरएसआई भने करिब ओभर सोल्ड जोन ३२ बाट फर्केर हाल डब्लु आकार बनाएर ४० को बिन्दुमा पुगेको छ । यसले बजारले करिब करिब बटम लगाउँदै गरेको मान्न सकिन्छ । यस हिसाबले यदि बजार अझै एक कारोबारमा भोल्युमसहित २५ सय माथि टिकेमा फेरी बुल यात्रा तय गर्न सक्ने छ । अर्थात इलिअट वेभबाट नियाल्दा तेस्रो वेभ पनि हुन सक्छ । जुन भनेका अत्यधिक शक्तिशाली हुन्छ ।  

नोटः सेयर बजारमा लगानी जोखिमपूर्ण हुन्छ, यो बिश्लेषण कारोबारका लागि सिफारिस भने होइन ।