.gif)
.gif)
.jpg)
.png)
काठमाण्डौ । शहरी क्षेत्रमा रोजगारीको समस्या हुन थालेपछि चिनियाँ युवाहरु धमाधम गाउँ फर्कन थालेका छन् ।
यसरी शहर छोडेर गाउँ फर्किएका युवाहरुले सामाजिक सञ्जालमा गाउँ फर्किएपछिको घटनाहरु सामाजिक सञ्जालमा पोष्ट गर्न थालेका छन् । सन् ९० तिर जन्मिएका भनेर आफूहरुलाई स्वघोषित अवकाशकर्ता भन्ने यस्ता युवाहरुले अनलाइनमा पोष्ट गर्ने आफ्नो यात्रालाई करियर ब्रेक वा बेरोजगारको रुपमा व्याख्या गर्ने गरेका छन् ।
गत वर्ष यसरी नै गाउँ फर्किएका एक युवाले वेन्जीले चीनको गुईझाउ प्रान्तमा बाँसको घर बनाएर बसेको बताएका छन् । गाउँ फर्कुनुअघि उनी सवारी साधन मर्मत गर्ने,निर्माण तथा उत्पादन क्षेत्रमा काम गर्ने गर्थे । स्थानिय एक मिडियालाई दिएको अन्तरवार्तामा उनले दैनिक मेशिनसँग काम गर्नु पर्ने भएकाले थकित भएर गाउँ फर्किएको बताए । उनले अन्य काम खोज्ने प्रयास गरेको तर त्यसबाट पनि सन्तुष्ट हुन नसकेको बताए ।
‘समय बितेसँगै मैले जीवनको वास्तविक अर्थ बुझ्न थाले । जीवन भनेको शहरको सम्पन्नता मात्रै होइन रहेछ । गाउँघरको शान्त वातावरण पनि एक प्रकारको शुन्दरता नै रहेछ,’ उनले सामाजिक सञ्जालमा लेखेका छन् ।
गाउँ फर्किएपछि उनी खाना पकाएको,तरकारी खोती गरेको र घर मर्मत गरेको भिडियोहरु डोउयिन एपमा अपलोड गर्ने गर्छन । यो एप टिकटकको कम्पनी बाइट डान्सको भगिनी एप हो ।
अर्थतन्त्रमा आएको सुस्तताका कारण यतिबेला चीनमा युवाहरुलाई रोजगारी खोज्न कठिन भईरहेको छ । यो वर्ष मात्रै चीनको श्रम बजारमा १ करोड १८ लाख युवाहरु प्रवेश गरेका छन् । रोजगारीका लागि बढ्दो प्रतिष्पर्धाले कलेज डिग्री समेत डिभ्लायुएशन भएको छ । कम ग्रेड र नम्बर हासिल गरेकाले काम पाउने सम्भावना झनै कम भएको हङकङ पोलिटेक्निक युनिभर्सिटीका प्रोफेसर चुङ चि नियनले बताए ।
अगस्ट महिनामा चीनमा बेरोजगारी दर हालसम्मकै उच्च कायम भएको थियो । यो महिना बेरोजगारीदर १८.८ प्रतिशत पुगेको थियो । चीनमा गत डिसेम्बर महिनादेखि नयाँ रेकर्ड प्रणाली लागू भएको थियो । चीनमा अझै पनि घरेलु माग न्यून स्तरमा रहेको छ । यसका साथै हाउजिङ क्षेत्रमा समेत मन्दी छाएको छ ।
हाङसेङ बैंक चाइनाका प्रमुख अर्थशाीस्त्री ड्यान वाङका अनुसार नयाँ कलेज सकाएका श्रम बजारका अधिकांश नवप्रवेशीहरुलाई रोजगारी दिने सेवा क्षेत्र विगत ३ वर्षदेखि संकुचित अवस्थामा रहेको छ । शहरी क्षेत्रमा कम आएका भएका डेलिभरीको काम पाइने भएपनि शिक्षित युवाहरु यस्तो काम गर्नुको साटो साइडलाइन मै बस्ने रुचाउने वाङले बताए ।
उत्पादन क्षेत्रमा समेत काम पाइने भएपनि चिनियाँ युवाहरु यस क्षेत्रमा लाग्न नचाहने लण्डन स्कुल अफ इकोनोमिक्सका प्रोफेसर केयु जिन बताउँछन् ।
.png)
.jpg)
.jpg)
.gif)
(1).gif)
.gif)
