.gif)
.gif)
.png)
काठमाण्डौ । नेपाल पूँजीबजार लगानीकर्ता संघकी अध्यक्ष राधा पोखरेलको यसपटकको दसैं विगतभन्दा केही फरक भइरहेको छ । पोखरेल यसपालि दसैंमा नयाँ घर बुढानिलकण्ठमा सरेकी छिन् भने यूएई लगायतका देशहरु आफ्ना पतिसँग घुम्न निस्किएकी छिन् ।
उनी पासपोर्ट बनाएको ८ वर्षपछि विदेश घुम्न गएकी हुन् । उनले भनिन्–‘सगै पासपोर्ट बनाएका साथीहरु विदेश पुगिसके । मैले भने पहिलोपल्ट ठूलो जहाज चढेँ । खासमा म भारतबाहेक कहीँ पनि गएकी थिइन् ।’
उनको माइतीघर बर्दिबास हो भने घर अर्घाखाँची हो । अहिले बाढी तथा खराब मौसमका कारण गाउँघरतिर जान सम्भव नभएको उनले बताइन् ।
विदेश घुम्न गएका कारण उनको यसपटक स्वदेशमै टीका हुने नहुने निश्चित छैन ।
पोखरेल दसैं भन्नेबित्तिकै गाउँमा रातो माटोले पोतिएको घर र चङ्गा उडाएको बालापन याद आउँछ । बालापनमा दिदीभिनाजु दसैंमा आउने भएर पनि उनलाई दसैं निकै रमाइलो लाग्ने गथ्र्यो ।
अहिले सामाजिक सञ्जालले गर्दा दसैंको महत्व घट्दै गएको पोखरेलको भनाई छ । उनले लगानीकर्ताहरुलाई आत्तिने र मात्तिने भन्दा पनि धैर्य गरेर लगानीको निर्णय लिन पनि सुझाउँछिन् ।
.png)
.jpg)
(50).jpg)
(1).jpg)
(75).jpg)
.gif)
(1).gif)
.gif)
