हिमालयन लघुवित्तद्वारा २ लाख ऋण मिनाहा तथा बीमा दाबी रकम भुक्तानी

काठमाण्डौ । हिमालयन बैंक लिमिटेडको सहायक कम्पनी ‘हिमालयन लघुवित्त वित्तीय संस्थाले बीमा दावी रकम भुक्तानी गरेको छ । संस्थाको शंखरापुर शाखा कार्यालयले उक्त शाखामा रहेको केन्द्र न.१०६ की सदस्य बसन्त राईको श्रीमान् फडिन्द्र प्रसाद राईको मृत्यू पश्चात बीमाको क्षतिपुर्ति रकम उपल्बध गराएको हो ।  

सदस्य बसन्त राईले संस्थाबाट २ लाख कर्जा लिएकोमा सदस्यको श्रीमानको मृत्युपश्चात संस्थाको नियमानुसार कर्जाको साँवा र ब्याज मिनाहा गरि कर्जा बीमाअन्तर्गत श्रीमानको मृत्यु पश्चात दिइने काजक्रिया खर्च २५ हजार तथा तिरेको किस्ता रकम २ लाख समेत फिर्ता गरी जम्मा रकम २ लाख २५ हजार बसन्त राईलाई एकमुष्ट भुक्तानी गरिएको संस्थाका शाखा प्रबन्धक झुमा पौडेलले बताइन् ।  

संस्थाले आफना ग्राहक सदस्यहरुको हित तथा संरक्षण गर्न र ग्राहक सदस्यहरुलाई आपतकालिन अवस्थामा सहयोग पुर्याउने उद्देश्य अनुरुप आवश्यकता अनुसार बिभिन्न कार्यक्रम तथा सहयोग रकम प्रदान गर्दै आइरहेको जनाएको छ ।  

उक्त रकम प्रदान कार्यक्रममा शाखाको तर्पmबाट शाखा प्रबन्धक झुमा पौडेल, शाखाका कर्मचारी सुजन श्रेष्ठ र रीता ढुङगेलको उपस्थिति रहेको थियो भने केन्द्र न.१०६ की सदस्यहरु र भद्रभलादमीहरुको पनि उपस्थिति रहेको थियो ।