भिजन लुम्बिनी उर्जाको सेयर भाउ बुलिस सेन्टिमेन्टमा, कस्तो रहला आगामी यात्रा ?

काठमाण्डौ । भिजन लुम्बिनी उर्जा कम्पनी नेप्सेमा सूचीकृत जलविद्युत कम्पनी हो । हाल यस कम्पनीले कास्कीको माछापुच्छ्रे गाउँपालिकास्थित सेतीनदीमा देशका विभिन्न स्थानका एक हजार बढी लगानीकर्ताहरुको सामुहिक लगानीमा २५ मेगावाटको सेतिनदी जलविद्युत आयोजना सञ्चालन गरिरहेको छ । यो आयोजना नेपालकै एक पृथक पहिचान बोकेको नमुना आयोजना बनेको कम्पनीले दाबी गरेको छ ।

कम्पनीको  निर्माणाधीन आयोजनाको अधिकांश संरचना माछापुच्छ्रे गाउँपालिकाको वडा नं. २ र यसको अलावा वडा नं. १,३,४ र पोखरा महानगरपालिकाको वडा नं. १९ को केहि भागमा रहेको छ ।

आधारभूत पक्षः  

गत आर्थिक वर्षको पहिलो त्रैमासिक प्रतिवेदनअनुसार कम्पनीको चुक्तापूँजी १ अर्ब ९१ करोड २५ लाख रुपैयाँ रहेको छ भने जगेडा कोषमा ६८ करोड ४५ लाख ३१ हजार रुपैयाँ रहेको छ । योसँगै कम्पनीको कुल पूँजी २ अर्ब ५९ करोड ७० लाख रुपैयाँ रहेको छ । कम्पनीको खुद मुनाफा १ करोड  १२ लाख ९० हजार रुपैयाँ रहेको छ । यो भनेको अघिल्लो आर्थिक वर्षको पहिलो त्रैमासको तुलनामा ८४ प्रतिशतल कम हो । कम्पनीको प्रतिसेयर आम्दानी २.३६ प्रतिशत , बुक भ्यालु १३५.७९ र रिर्टन अन इक्विटी १.७४ प्रतिशत रहेको छ । 

प्राविधिक पक्षः  

फियर एण्ड ग्रिड इन्डेक्स  

फियर एण्ड ग्रिड इन्डेक्सको आधारमा यो कम्पनी हाल बुलिस सेन्टिमेन्टमा चलेको छ । कम्पनीको ५२ साताको उच्च मूल्य प्रतिकित्ता ७८१ रुपैयाँ रहेको छ भने न्यून मूल्य ४०१ रुपैयाँ रुहेको छ । हाल दोस्रो बजारमा यो कम्पनीको.अन्तिम मूल्य प्रतिकित्ता ६७७ रुपैयाँ रहेको छ । कम्पनीको ८० प्रतिशत संस्थापक र बाँकी सर्वसाधारण समूहको रहेको छ । यस कम्पनीको सेयर ब्रोकर नम्बर ७७, ६५ र १७ मा उच्च होल्डिङ रहेको छ । 

 

बोलिङ्गर ब्याण्ड, म्याक्डी र आरएसआई  

बोलिङ्गर ब्याण्डको आाधारमा यो कम्पनी हाल मध्य ब्याण्ड र अपर ब्याण्डको बिचमा चलेको देखिन्छ । यो भनेको कम्पनीको सेयर मूल्य साइड वेज चलेको भन्ने हो । म्याक्डीमा केही समय पहिले बनेको बुलिस क्रस ओभर भ्यालिड नै रहेको छ भने हिस्टोग्राम सकारात्मक रहेका छन् । आरएसआईले न्यूट्रल जोनमा ‘एम ’ आकार  बनाएको छ । समग्रमा तीन वटै इन्डिकेटरबाट नियाल्दा कम्पनीको सेयर मूल्य हाल अप ट्रेन्डमा नै देखिन्छ ।  

पिभट् प्वइन्टः  

पिभट् विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – ७९६

प्रतिरोध २ – ७५९

प्रतिरोध १–  ७३७

पिभट् प्वइन्टः ६९४

घटेमा सपोर्ट  

सपोर्ट १– ६६६

सपोर्ट २– ६२४

सपोर्ट  ३ –६०१

निष्कर्षः भिजन लुम्बिनी उर्जा कम्पनी आधारभूत रुपमा राम्रै देखिन्छ । कम्पनीको जगेडा कोष र बुक भ्यालु सामान्य रुपमा बढ्दो अवस्थामा रहेको छ । अघिल्लो आर्थिक वर्षको तुलनामा खुद मुनाफा भने ८४ प्रतिशतको गिरावट आएको छ । त्यसैगरि, प्रतिसेयर आम्दानी र रिर्टन अन इक्विटीमा पनि अघिल्लो आर्थिक वर्षको तुलनामा ६८ प्रतिशतको गिरावट आएको छ ।  

कम्पनीले २५ मेगावाटको सेति नदी परियोजनामा बन्दै गर्दा ‘नर्मल पे ब्याक पिरियड’ साढे सात वर्ष देखिन्छ । प्राविधिक रुपमा यो कम्पनी पनि फियर एण्ड ग्रिड इन्डेक्समा  बुलिस सेन्टिमेन्टमा चलेको देखिन्छ । मुभिङ एभरेजबाट नियाल्दा कम्पनीको सेयर भाउ ५० दिने मुभिङ एभरेज भन्दा माथि नै चलको देखिन्छ । फियर एण्ड ग्रिड इन्डेक्समा पनि बुलिस सेन्टिेमन्टमा चलेको देखिन्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।