.gif)
_(1).gif)
.png)
काठमाण्डौ । भारतको बीमा बजारमा सबै बीमा पोलिसीहरु एकै ठाउँबाट खरिद/बिक्री गर्न मिल्ने तयारी भएको छ । भारतको बीमा नियामक‘इन्स्योरेन्स रेगुलेटरी एण्ड डेभलपमेन्ट अथोरेटी(आईआरडीएआई)ले सबै बीमा पोलिसीहरु एकै ठाउँमा अनलाइनमार्फत उपलब्ध गराउने तयारी गरेको हो ।
यसका लागि आईआरडीएआईले विद्युतीय बजार/प्लेटफर्म‘बीमा सुगम’ अथवा डिजिटल पब्लिक इन्फ्रास्ट्रक्चरमा एउटा एक्सपोजर मस्यौदा जारी गरेको छ । यसलाई वान–स्पट सोलुसन वा प्रोटोकलको रुपमा मान्न सकिन्छ । जसमा बीमा पोलिसी खरिद/बिक्री,बीमा सेवा र दाबी भुक्तानीदेखि लिएर बीमासँग सम्बन्धित उजुरी तथा गुनासाहरु समेत सम्बोधन गर्न सकिने जनाइएको छ ।
(1).gif)
यो डिजिटल प्लेटफर्म चाडै नै लञ्च हुने सम्भावना रहेको भारतीय मिडियाहरुले जनाएका छन् । रिपोर्टका अनुसार आगामी जुन महिनामा यसको लञ्च हुने सम्भावना अधिक रहेको छ ।
यसअघि बीमा नियामकले यसलाई सन् २०२३ जनवरीमा लञ्च गर्ने योजना बनाएको थियो । यस्तै आईआरडीएआईले स्वास्थ्य,जीवन,सम्पत्ति र दुर्घटना सबैलाई समेट्ने एउटा बीमा पोलिसी समेत जारी गर्ने तयारी गरेको जनाइएको छ ।
आईआरडीएआईले लञ्च गर्न लागेको बीमा सुगम एउटा विद्युतीय बीमा बजार हो । यो प्लटफर्मलाई बीमा कम्पनी,बीमित, र अभिकर्ताले प्रयोग गर्न सक्नेछन् । बीमा क्षेत्रका सबै पक्ष एकै ठाउँमा हुने भएकाले यसले सबै पक्षलाई फाइदा पुग्ने आईआरडीएआईले अपेक्षा गरेको छ । भारतीय बीमा विज्ञहरुले यसले भारतको बीमा क्षेत्रमा कान्तिकारी परिवर्तन ल्याउने बताएका छन् ।
यसले बीमा कम्पनीहरुको लागत घट्ने र बीमा प्रडक्टहरु सस्तो हुने विश्वास गरिएको छ । यो अनलाइन प्लेटफर्ममा जीवन बीमा,स्वास्थ्य बीमा, र साधारण बीमादेखि लिएर सबै प्रकारका बीमा सेवाहरु उपलब्ध हुनेछन् ।
.gif)
.png)
.png)
.png)
(1).png)
.gif)
(1).gif)
.gif)
