(1).gif)
(2).gif)
.png)
काठमाण्डौ । स्विट्जरल्याण्डको बीमा कम्पनी ज्यूरिख इन्स्योरेन्सले अपेक्षा गरेभन्दा राम्रो वार्षिक सञ्चालन नाफा आर्जन गरेको छ । यससँगै कम्पनीले १.२५ अर्ब डलरबराबरको सेयर बाईब्याक गर्ने घोषणा गरेको छ । विश्वव्यापी महामारी, युद्ध र जलवायु प्रकोपको प्रभावबाट बाहिर आएकाले कम्पनीको नाफामा वृद्धि भएको जनाइएको छ ।
युरोपको पाँचौं सबैभन्दा ठूलो बीमा कम्पनीको रुपमा रहेको ज्यूरिख इन्स्योरेन्सले सञ्चालन नाफा २१ प्रतिशतले बढ्दै ७.४ अर्ब डलर पुगेको छ । जुन कम्पनीले अपेक्षा गरेको ७.१ अर्ब डलरभन्दा धेरै हो ।
(2).gif)
.gif)
(1).gif)
अन्तराष्ट्रिय बीमा कम्पनीहरुले कोरोना महामारी, प्राकृतिक प्रकोप र युक्रेन युद्ध जस्ता घटनाहरुबाट अप्रत्याशित दाबीहरूको राम्रोसँग सामना गरेका छन् । कम्पनीहरुले मुख्यतया प्रीमियम बढाएर र केही व्यवसायहरूबाट पछि हटेर यी समस्याहरुको सामना गरेका हुन् ।
यद्यपि, कम्पनीहरुले यस वर्ष इजरायल–गाजा द्वन्द्व र अमेरिका लगायत धेरै देशहरूमा हुने चुनावबाट कुनै पनि व्यापक नतिजाबाट युद्ध वा क्षति(सम्बन्धित हानिको थप जोखिमहरू सामना गर्न सक्ने विज्ञहरुले बताएका छन् । आँधी र जङ्गलमा लागेको डढेलोबाट हुने ठूलो क्षतिमा जलवायु परिवर्तनले पनि योगदान पु्र्याईरहेको छ ।
जुरिचले गत वर्ष थप महत्वाकांक्षी तीन वर्षको वित्तीय लक्ष्यहरू निर्धारण गरेको थियो । कम्पनीले सन् २०२५ सम्मका लागि व्यवसाकि सञ्चालन मुनाफा २० र सन् २०२३ का लागि २३.१ प्रतिशतले वृद्धि गन महत्वाकांक्षी लक्ष्य निर्धारण गरेको थियो ।
कम्पनीको सेयरमूल्य २ प्रतिशतले वृद्धि भएको छ । कम्पनीले ८ प्रतिशतले लाभांश वृद्धि गर्ने योजना बनाएको जनाएको छ ।
.gif)
(1).gif)
.png)
(1).jpg)
(3).jpg)
(1).jpg)
.jpg)
