.gif)
_(1).gif)
काठमाण्डौ । यो साता सेयर बजारमा ४ दिन कारोबार भयो । चार दिनमध्ये बजार ४ दिन नै घट्यो । अघिल्लो साता २०६२.०३ को विन्दु मा बन्द भएको बजार यो साता २००५.८३ मा बन्द भयो । यस हिसावले यो साता दोस्रो बजारमा ५६.५ अंकले गिरावट आयो ।
अघिल्लो साता पनि बजार ३४.२९ अंकले घटेको थियो । यो साता चार दिनको कारोबारमा दोस्रो बजारमा १२.३३ अर्बको मात्रै कारोबार भयो । अघिल्लो साता भने दोस्रो बजारमा २०.४६ अर्बको कारोबार भएको थियो । यस हिसावले यो साता दोस्रो बजारमा नेप्से परिसूचक र कारोबार दुबै घट्यो ।
यो साता बजार पूँजीकरण ३१ खर्ब ५३ अर्ब रुपैयाँ पुगेको छ । अघिल्लो साता बजार पूँजीकरण ३२ खर्ब ४१ अर्ब रुपैयाँ थियो । यस हिसावले यो साता ८८ अर्ब बजार पूजीकरण घट्यो ।
(1).gif)
प्राविधिक पक्षः
इचिमोकूको आधारमाः
इचिमोकु क्लाउड इन्डिकेटर सन् १९६८ मा एक जापानिज नागरिकले प्रतिपादन गरेका थिए। प्रतिपादनसँगै यो इन्डिकेटर त्यहाँस्थित एउटा टोकियो न्युज पेपरमा प्रकाशित भएको थियो । योसँगै यो इन्डिकेटर संसारभर प्रयोगमा आएको हा । यो इन्डिकेटर अन्य इन्डिेकटर भन्दा विश्वासिलो मानिन्छ । किनकी यसले अन्य इन्डिकेटरले भन्दा केही ढिलो संकेत दिन्छ तर विश्वासिलो हुन्छ ।
अन्य इन्डिकेटरजस्तै यसमा पनि विभिन्न रेखाहरु र क्याण्डल स्टिकको गतिलाई चार्टमा राखेर विश्लेषण गरिन्छ । इचिमोकु क्लाउडअन्तर्गत यो साताको अन्तिम कारोबारमा डेली बेसमा इचिमोकूमा मूल्य रेखाहरु क्लाउड पोजिसनबाट तल झर्दै गरको अबस्था देखिन्छ । बेस लाइन र कन्भर्जन लाइनमा यस अघि नै वियरिस बनेको छ । ( हर्नुहोस रातो एरो )
विगतमा यस्तो अवस्थामा बजार वियरिस भएको पाइन्छ। (मुख्य तस्बिरमा हेर्नुहोस )
फिवोनासी सिद्धान्तका आधारमाः
फिवोनासी एउटा यस्तो टुल हो, जसले एकपल्ट बढेपछि बजार घट्दा कतिसम्म तल आउन सक्छ र कति–कतिमा टेवा लिन्छ भन्ने विषय अनुपातका आधारमा संकेत गरेको हुन्छ । बढ्दा पनि कति–कति प्रतिशतमा प्रतिरोध गरेको हुन्छ भन्ने यी अनुपातबाट अनुमान लगाउन सकिन्छ।
यस्ता अनुपातलाई फिवोनासी गोल्डेन अनुपातहरु पनि भनिन्छ । ती अनुपातहरु २३.६, ३८.२, ५०, ६१.८ र १०० प्रतिशत हुन् । यो सिद्धान्तअनुसार यदि ०.२३ को टेवा २१२१, ०.३८ को टेवा २०६० तथा ०.५ को टेवा २०१२ र ०.६१ को टेवा १९६० सम्म बजार आउन सक्ने देखिन्छ । जुन तस्बिरमा हेर्न सकिन्छ ।
बोलिङगर ,म्याक्डी ,आरएसआइको आधारमाः
साप्ताहिक रुपमा बजारलाई बोलिङगर ब्यान्ड मार्फत हेर्दा गएको ६ साता अगाडी अपर ब्याण्डमा छोएर तल खसेको बजार यो साता मध्य ब्याण्डमा सपोर्ट लिन खोजेको देखिन्छ । हाल मध्य ब्यान्ड १९९० मा रहेको देखिन्छ । यदि आगामी कारोबारमा बजार यो विन्दुभन्दा माथि टिकेका खण्डमा बजारले माथिको यात्रा तय गर्न सक्छ ।
अन्यथा बजार केही समय साइड वेज पनि जान सक्छ । म्याक्डी मार्फत हेर्दा बजार केही समय पहिले नै वियारिस क्रस बनेको छ । साप्ताहिक रुपमा आरएसआई न्युट्रल जोनमा रहेको छ भने डेली बेसमा ओभर सोल्ड जोन नजिक ३५ मा रहेको छ । समग्रमा तीन वटै इन्डिकेटरबाट हेर्दा बजार करिव एउटा सपोर्ट जोनमा आएको देखिन्छ ।
पिभट विश्लेषण भनेको सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –२१४९
प्रतिरोध २ –२१२९
प्रतिरोध १– २०९५
पिभट प्वइन्टः २०७५
घटेमा सपोर्ट
सपोर्ट १– २०२२
सपोर्ट २– २०४२
प्रतिरोध ३ –१९८८
निष्कर्षः अघिल्लो साता ३४ अंकले घटेको बजारमा यो साता ५६ अंकले गिरावट आयो । यस हिसाबले २ सातामा बजारमा ९० अंकको गिरावट आयो । बजारलाई इलिअट वेभबाट नियाल्दा एबीसी चक्रको अन्तिम विन्दु १९९० सम्म देखिन्छ । अन्य इन्डिकेटर फिवोनासी मार्फत हेर्दा पनि ०.५ प्रतिशतको करेक्नस बजारले पूरा गरेको देखिन्छ ।
साप्ताहिक रुपमा बोलिङगर ब्यान्डबाट नियाल्दा पनि मध्य ब्यान्डको विन्दु पनि १९९० मा नै देखिन्छ । त्यसै गरि पिभट् प्वइन्छ मार्फत हेर्दा पनि तेस्रो सपोर्ट १९९० नै देखिन्छ । यी सबै माध्यमबाट नियाल्दा बजार आगामी साता १९९० आसपासमा बलियो सपोर्ट लिएर पुल ब्याक हुन सक्छ ।
यद्यपि यहाँबाट बजारले लिएको पुल ब्याक कति बलियो हुन्छ भन्ने बिषय भने आगामी दिनको कारोबार नै नियाल्नु पर्ने हुन्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबार को सिफारिस भने होइन ।
.png)
.jpg)
.jpg)
.jpg)
.gif)
(1).gif)
.gif)
