ट्यारिफको बहानामा क्यानाडा कब्जा गर्ने ट्रम्पको मनसायः ट्रुडो

काठमाण्डौ । क्यानडाका प्रधानमन्त्री जस्टिन ट्रुडोले अमेरिकी राष्ट्रपति डोनाल्ड ट्रम्पले आफ्नो देशमा लगाएको ठूलो करको आलोचना गर्दै यसलाई ‘अत्यन्तै मूर्ख’ भनेका छन् । ट्रुडोले आफ्नो देशको अर्थतन्त्र जोगाउन अथक लडाइँ जारी राख्ने वाचा पनि गरेका छन्।

ट्रम्पले क्यानडा र मेक्सिकोबाट अमेरिका आउने सामानमा २५ प्रतिशत कर लगाएका छन् । यसको जवाफमा क्यानडाका प्रधानमन्त्रीले पनि अमेरिकी उत्पादनमा कर लगाएका छन् र व्यापार युद्ध दुवै देशका लागि महँगो साबित हुने चेतावनी दिएका छन् ।

तर ट्रम्पले ट्रुथ सोसलमा अझ अगाडि बढ्दै लेखे, ‘कसैले क्यानाडाका गभर्नर ट्रुडोलाई बुझाउनुहोस् कि जब उनीहरूले अमेरिका विरुद्ध बदला लिनेछन्, हामी एकै समयमा उही ट्यारिफहरू बढाउँछौं।’  

ट्रुडोले अमेरिकी राष्ट्रपतिलाई उनको योजना क्यानाडाको अर्थतन्त्रलाई पूर्ण रूपमा ध्वस्त पार्ने पारी क्यानाडालाई अमेरिकासँग सजिलैसँग विलय गराउनु रहेको आरोप लगाए ।  

जस्टिन ट्रुडोले मंगलबार पत्रकारहरूसँगको कुराकानीमा भने, ‘यस्तो कहिल्यै हुने छैन। हामी कहिल्यै पनि अमेरिकाको ५१औं राज्य बन्ने छैनौं। क्यानडासँगको लडाइमा कुनै पनि विजेता नहुने देखाउने यो समय हो।’

ट्रुडोले क्यानाडाको मुख्य लक्ष्य अझै पनि ट्यारिफहरू हटाउनु रहेको बताए ।  

अर्कोतर्फ, ट्रम्पले अमेरिकी रोजगारी र उत्पादन क्षेत्रको सुरक्षाका लागि कर लगाउनुको कारण बताए । यससँगै अवैध ओसारपसार र लागुऔषध ओसारपसार रोक्न पनि क्यानडा असफल भएको बताए । उनले अमेरिकी राष्ट्रपतिले आफ्नो लक्ष्य ओपिओइड फेन्टानिल नियन्त्रण गर्ने भएको बताए। यो औषधि अमेरिकामा पुगेकोमा उनले अन्य देशलाई दोष दिएका छन् ।

यी आरोपहरूको जवाफ दिँदै, ट्रूडोले मंगलबार नयाँ शुल्कहरूको लागि कुनै औचित्य नभएको बताए । अमेरिकी सीमामा बरामद हुने फेन्टानाइलको एक प्रतिशतभन्दा कम क्यानडाबाट आउँछ।

ट्रुडोका शब्दहरू मेक्सिकन राष्ट्रपति क्लाउडिया शेनबमले पनि दोहोर्याए। उनले ट्रम्पको यो कदमको पछाडि कुनै उद्देश्य, कुनै कारण वा औचित्य नभएको बताए ।