(1).gif)
(2).gif)
_(1).gif)
.png)
काठमाण्डौ । चीनले २.६ बिलियन डलरभन्दा बढी मूल्यको क्यानेडाको कृषि र खाद्यान्न उत्पादनहरूमा भन्सार शुल्क लगाउने घोषणा गरेको छ । क्यानडाले गत अक्टोबरमा चीनमाथि ट्यारिफ लगाउने घोषणा गरेसँगै र ठूलो मात्रामा अमेरिकाद्वारा घोषणा गरिएको ट्यारिफले निम्त्याएको व्यापार युद्धमा नयाँ मोर्चा खोल्दै चीनले क्यानडामाथि ट्यारिफ घोषणा गरेको हो ।
चीनको वाणिज्य मन्त्रालयले घोषणा गरेको यो ट्यारिफ मार्च २० देखि लागू हुनेछ । क्यानडाले चार महिनाअघि मात्रै चीनमा निर्मित विद्युतीय सवारी साधन, स्टिल र आल्मुनियम उत्पादनहरूमा शतप्रतिशत र २५ प्रतिशत आयात शुल्क लगाउने घोषणा गरेको थियो ।
.gif)
चीनको वाणिज्य मन्त्रालयले एक विज्ञप्ति जारी गर्दै क्यानाडाका कदमहरुले विश्व व्यापार संगठनका नियमहरूको गम्भीर उल्लंघन गरेको र यसलाई संरक्षणवाद र भेदभावपूर्ण भएको जनाएको छ । क्यानडाको कदमले चीनको वैध अधिकार र हितलाई गम्भीर रूपमा हानि पुर्याउने समेत वाणिज्य मन्त्रालयले उल्लेख गरेको छ ।
चीनले १ अर्ब डलरभन्दा बढी क्यानेडियन रेपसीड तेल, तेल केक र मटरको आयातमा १०० प्रतिशत शुल्क लगाउनेछ र यसका साथै १.६ बिलियन डलर मूल्यको क्यानेडियन जलजन्य उत्पादन र सुँगुरको मासुमा २५ प्रतिशत शुल्क लगाउनेछ ।
.png)
.jpg)
.jpg)
.jpg)
(1).gif)
.gif)
