.gif)
(2).gif)
_(1).gif)
.png)
काठमाण्डौ । मुकेश अम्बानीका कान्छा छोराको तीनदिने प्रि–वेइडिङ विवाह समारोह सकिएको छ । विश्वभरको ध्यान तान्न सफल यो विवाह समारोहका अनेक रोचक प्रसंगहरु बाहिरिरहेका छन् ।
यस्तै एउटा प्रसंग बाहिरिएको छ । यो विवाह समारोह भारतको गुजरात राज्यको जामनगरमा आयोजना भएको थियो । विवाह समारोहमा सहभागी हुन आएका अधिकांश पाहुना विमानबाट आएका थिए । जसका कारण त्यहाँको स्थानीय विमानस्थललाई अल्पकालका लागि अन्तराष्ट्रिय विमानस्थलको मान्यता दिइएको छ । उक्त समारोहमा मार्क जुकरबर्ग, बिल गेट्स, रिहाना,बियोन्से लगायत भारत र विदेशका प्रभावशाली व्यक्तिहरु सहभागी हुन पुगेका थिए ।
विमानस्थलकका अधिकारीहरुले उक्त समारोहका लागि १३० वटा विमान अवतरण भएको र विमानस्थलमा अत्यधिक चाप परेको बताएका छन् । समारोहमा आएका अधिकांश पाहुनाहरुलाई नजिकैको सुविधासम्पन्न टेन्टमा बस्ने व्यवस्था गरिएको थियो । जहाँ पाहुनाहरुले ५०० भन्दा बढी खानाका परिकारहरुबाट खाना छनौट गर्नसक्थे । खाना बनाउन विश्वभरका सेफहरु खटिएका थिए ।
.gif)
यस्तै पाहुनाका लागि हेयर र मेकअप आटिस्ट र फेसन डिजाइनरहरुको समेत व्यवस्था गरिएको थियो । समारोहको थिम ग्यादरिङका लागि ९ पाना लामो सेड्युल समेत तयार पारिएको थियो ।
समारोहमा अमेरिकी पप गायिका रिहानले भारतमा पहिलोपटक आफ्नो प्रस्तुती दिएकी थिइन् । उनले यसका लागि ७० लाख डलर लिएको बताइएको छ ।
पाहुनाहरुलाई
पाहुनाहरुलाई अनन्त अम्बानीको हजार एकड क्षेत्रफलमा फैलिएको अनन्त अम्बानीको घर पालुवा जनावरहरुको ‘पेट प्रोजेक्ट’को अवलोकन गराइएको थियो । जहाँ हजारौं जनावरहरु राखिएको छ ।
प्रि–वेईडिङ समारोह सकिएसँगे अब सबैको नजर आगामी जुलाई महिनामा मुम्बईमा आयोजना हुने मुख्य विवाह समारोहमा हुनेछ । -एजेन्सी
.png)
.jpg)
.jpg)
(1).gif)
.gif)
