.gif)
_(1).gif)
.png)
काठमाण्डौ । आगलागीको संकास्पद घटनाका कारण बलिर्नमा रहेको टेस्लाको कारखानाको उत्पादन अल्पकालका लागि बन्द भएको छ । टेस्लाको कारखाना नजिकै भएको आगलागीको घटनाका कारण विद्युतीय कार उत्पादन अवरुद्ध भएको हो ।
उक्त आगलागीको जिम्मेवारी जर्मनी एक वामपन्थी समूहले लिएको छ । टेस्लाले अधिक रुपमा श्रम र स्रोतको प्रयोग गरिरहेको भन्दै उक्त आगलागीको घटना घटाइएको भोल्क्यानो समूहले जनाएको छ । यस्तै उक्त समूहले टेस्लाले जमिन मुनीको पानी दुषित गरेको र ठूलो परिमाणमा पानीको उपयोग गरिरहेको आरोप समेत लगाएको छ ।
आगलागीका कारण टेस्लाको कारखानामा कुनै पनि क्षति नपुगेपनि विद्युत आपूर्ती बन्द हुँदा उत्पादन अवरुद्ध भएको जनाइएको छ । कम्पनीले कम्तीमा आगामी साताको सुरुवातसम्म उत्पादन बन्द रहने जनाएको छ । जसका कारण कम्पनीले लाखौं युरो घाटा व्यहोर्ने र मंगलबार मात्रै १ हजारभन्दा बढी कार बनाउन बाँकी रहेको बताएको छ ।
(1).gif)
एलन मस्कले यो कार्यलाई एकदमै निज र मुर्खतापूर्ण भएको बताएका छन् । ‘तिनीहरु कि त यस पृथ्वीका सबैभन्दा मुर्ख पर्यावरण विरोधी आतंककारी हुन् कि त स्वच्छ पर्यावरणीय लक्ष्य नभएकाहरुद्वारा परिचालित कठपुतली हुन् ।’मस्कले पोस्ट गरेका छन् ।
आगलागीको घटनापछि कामदारहरुलाई घर पठाइएको र कारखाना भने सुरक्षित अवस्थामा रहेको कम्पनीले जनाएको छ । आगलागीका कारण विद्युत प्रसारण लाइनको हाई भोल्टेज लाइन तारहरु जलेको र सिंगो सहरमा विद्युत आपूर्ती बन्द भएको छ ।
टेस्लाले बलिर्नमा रहेको युरोपको पहिलो कारखानालाई विस्तार गर्ने योजना बनाएको छ । यो योजनाका कारण धेरै रुखहरु काटिने भएकाले वातावरणविद्हरुले यसको विरोध गरिरहेका छन् । कारखाना नजिक रहेको जंगलमा करीब १ सय जना विरोध अभियान चलाईरहेका छन् । यद्यपी ती हरित अभियानकर्मीहरुले आगलागीको घटनामा आफुहरुको संलग्नता नरहेको बताएका छन् ।
टेस्लाको बलिर्न कारखानाबाट अहिले वार्षिक रुपमा ५ लाख युनिट कार निर्माण भईरहेको छ । कम्पनीले उत्पादन क्षमतालाई दोब्बरले वृद्धि गर्ने योजना अघि सारेको छ । -एजेन्सी
.gif)
.png)
.jpg)
(1).jpg)
(1)(1).jpg)
.jpg)
.gif)
.gif)
