केटीएमको इलेक्ट्रिक बाइक चाँडैनै लन्च हुने, यस्ता छन् फिचर्स

काठमाण्डौ । विश्वभरका दुई पाङ्ग्रे कम्पनीहरू बिस्तारै ईभी सेग्मेन्टमा प्रवेश गर्दै छन् र इलेक्ट्रिक स्कुटरहरू पनि लन्च गर्दैछन्। अब भने सबैको नजर विद्युतीय मोटरसाइकलमा छ । पछिल्ला केही वर्षहरूमा केटीएमले विद्युतीय मोटरसाइकलहरू ल्याउने खबर निकै आएको थियो । अब यस सम्बन्धमा एउटा ठूलो जानकारी बाहिर आएको छ ।  

केटीएमको पहिलो इलेक्ट्रिक बाइक अस्ट्रियामा देखिएको छ । जुन ड्युकमा आधारित हुनेछ । यस्तो अवस्थामा केटीएम ई–ड्युक चाँडै लन्च हुने अनुमान गरिएको छ । पहिलो केटीएम ई–ड्युक अस्ट्रियामा केटीएमको मुख्यालयमा रहेको मोटोहल डिस्प्ले क्षेत्रमा देखा परेको छ र यसको तस्विर केटीएसँग लामो समयदेखि स्टन्ट राइडरको रुपमा रहेका रोक बागरोसले आफ्नो इन्स्टाग्राम सेयर गरेका छन् ।  

यसलाई ई–ड्युकको प्रोटोटाइप संस्करण भनिएको छ । यो ३९० ड्युक को चेसिस मा निर्माण हुनेछ। केटीएमको पहिलो विद्युतीय मोटरसाइकलको लुक र डिजाइनको बारेमा कुरा गर्दा, यो पक्कै पनि फ्युचरिस्टिक हुनेछ र कम्पनीको सिग्नेचर कलर विकल्पमा आउनेछ । आगामी केटीएम ई–ड्युकमा नयाँ सबफ्रेम, शार्प बडीवर्क, सुधारिएको हेडल्याम्प डिजाइन, मोटोजीपी इन्स्पायर्ड एयर स्कूप, कूल थ्रीडी प्रिटेन्ड सिटलगायत धेरै बाह्य सुविधाहरू हुनेछन् । जसले यसलाई निकै आकर्षक बनाउने जनाइएको छ ।  

केटीएम ड्यूक इलेक्ट्रिकसँग ५.५ किलोवाटको ब्याट्री प्याक हुनेछ, जसको सिंगल चार्ज रेञ्ज १०० किलोमिटरभन्दा बढी हुन सक्छ। ई–ड्युकमा १० किलोवाट पावरवाला इलेक्ट्रिक मोटर हुनसक्छ ।  

तर, त्यसमा शक्ति र कार्यसम्पादनको स्तर कस्तो रहनेछ भन्ने सही जानकारी आगामी समयमा मात्रै पाउन सकिनेछ । यसमा फास्ट चार्जिङ, इन्टिग्रेटेड चार्जिङ केबल, चौडा ह्यान्डलबार, ४.३ इन्चको टीएफटी डिस्प्लेलगायत अन्य धेरै सुविधाहरू हुनेछन्।