.gif)
_(1).gif)
.png)
काठमाण्डौ । कृत्रिम बौद्धिकता(एआई)का कारण लाखौं मानिसहरुले रोजगारी गुमाउने खतराले विश्व श्रम बजार चिन्तित बनिरहेको छ । यस्तोमा चिन्ता थप्ने अर्को खबर बाहिरिएको छ ।
अमेरिकामा एआई सफ्टवेयर इन्जिनियर तयार भएको छ । अमेरिकाको एआई ल्याब कग्निसनले ‘डेभिन एआई’नामक नयाँ सफट्वेयर इन्जिनियर विकास गरेको हो । कम्पनीले यो विश्वकै पहिलो एआई सफ्टवेयर इन्जिनियर भएको दाबी गरेको छ ।
डेभिन एआईले इन्जिनियरिङको प्रयोगयात्मक अन्तवार्ता समेत उत्तिण गरेको यसका निर्माताले बताएका छन् । यो सफ्टवेयर इन्जिनियरको अन्तवार्ता एआई क्षेत्रका अग्रेणी कम्पनीहरुले लिएका थिए ।
यसका साथै यो एआई सफ्टवेयर इन्जिनियरले अमेरिकाको फ्रिल्यान्चिङ प्लेटफर्म,‘अपवर्क’मा पोस्ट भएको वास्तविक काम पुरा गरेको कग्निसनले जनाएको छ ।
(1).gif)
‘डेभिन एउटा नथाक्ने,समूहमा काम गर्न सक्ने,सिपले भरिपूर्ण र एक्लै पनि काम गर्न सक्ने सफ्टवेयर इन्जिनियर हो । डेभिनसँग काम गरेर इन्जिनियरहरु चाखलाग्दो र गम्भिर समस्यामा केन्द्रित हुन सक्छन् । यसका साथै उनीहरुले महत्वाकांक्षी लक्ष्यहरु राख्न सक्छन् ।’ कम्पनीले डेभिनको आधिकारीक ब्लगमा लेखेको छ ।
के गर्न सक्छ त डेभिनले ?
डेभिनमा कोडिङ,डिबगीङ,समस्या समाधान, जस्ता सफ्टवेयर विकासका अद्भुत क्षमता रहेको छ । डेभिनले निरन्तर रुपमा सिक्नका लागि मेसिन लर्निङ अल्गोरिदमको प्रयोग गर्ने गर्छ र आफ्नो प्रदर्शनमा सुधार ल्याउनुका साथै नयाँ चुनौतिअनुसार आफुलाई समायोजित गर्न सक्छ ।
यस्तै डेभिनले हजारौ निर्णयहरु आवश्यक पर्ने इन्जिनियरिङको कठिन कार्यहरु योजना,कार्यान्वयन र पुरा गर्न सक्छ । यस क्रममा डेभनले पुराना कुराबाट सिक्ने र गल्तीहरु सच्चाउन समेत सक्छ ।
निर्माताहरुले यसलाई प्रयोगकर्तासँग सक्रिय रुपमा अन्र्तक्रिया गर्न सक्ने गरी विकास गरेका छन् । यसले प्रयोगकर्तालाई वास्तविक समयमा प्रगति विवरण दिनुका साथै सुझावहरु समेत ग्रहण गर्न सक्छ । यसका साथै यसले आवश्यक डिजाइन च्वाइसअनुसार प्रयोगकर्तासँगै काम गर्न समेत सक्छ ।
परीक्षणका क्रममा डेभिनले बिना कसैको सहायता १३.८६ प्रतिशत समस्या आफै समाधान गरेको थियो ।
यसले कस्ता चुनौति र अवसर निम्त्याउन सक्छ ?
कम्पनीले यसका फाइदा र क्षमताहरुका बारेमा बताएपनि केहि विज्ञहरुले एआई सफ्टवेयर इन्जिनियरले जटिल आवश्यकता वा मावन अन्र्तज्ञान वा रचनात्मकता आवश्यक पर्ने कामका लागि भने संघर्ष गर्न सक्ने बताएका छन् । केहिले डेभिन जस्ता एआई टुलले रोजगारी गुम्ने खतरा निम्तिएको बताएका छन् भने । अर्काथरीले भने डेभिनले अन्य हजारौं सफ्टवेयर इन्जिनियरहरुसँग मिलेर मानव सहजता र एआईको सहकार्यले नयाँ एभिन्यूलाई जन्म दिने विश्वास लिएका छन् । -एजेन्सी
.gif)
.png)
(1).jpg)
(1).gif)
.gif)
