मेटलाइफले राष्ट्रिय क्रिकेट खेलाडीलाई बीमा सुविधा उपलब्ध गराउने, क्याससँगको सम्झौता नविकरण

काठमाण्डौ । नेपालको राष्ट्रिय क्रिकेट खेलाडीहरूको बीमा गर्दै आएको मेटलाइफ नेपालले नेपाल क्रिकेट संघ (क्यान) सँगको सम्झौता नविकरण गरेको छ । यस नवीकरणसहितको साझेदारीले पुरुष र महिला दुवै राष्ट्रिय क्रिकेट टोलीका सदस्यहरू तथा क्यानलाई आर्थिक सुरक्षा र सहयोगको पहुँच निरन्तर दिलाउने कम्पनीले जनाएको छ ।

जसले खेलाडीहरूलाई खेल, प्रदर्शन र देशलाई एकतामा बाँध्ने क्षणहरूमा पूर्ण रूपमा केन्द्रित रहन सहयोग गर्ने जनाइएको छ ।

नेपालको राष्ट्रिय क्रिकेट टोलीे आईसीसी टि २० विश्वकप खेल्न लागेको बेला भएको यो सम्झौताले देशको खेलकुद यात्रामा अर्को ऐतिहासिक उपलब्धि जोडेको कम्पनीले जनाएको छ । आगामी ठूला प्रतिस्पर्धाहरूको तयारीमा रहेका खेलाडीहरूको आत्मविश्वासलाई मेटलाइफको अटल सुरक्षा र साथले अझ मजबुत बनाएको कम्पनीको भनाई छ ।

‘मेटलाइफ हाम्रो बीमाकर्ता भएकाले हामीलाई दृढ आत्मविश्वास मिलेको छ,’ पूर्व कप्तान तथा क्रिकेट संघका सचिव पारस खड्काले भने ‘हाम्रा खेलाडीहरू सुरक्षित छन् भन्ने थाहा पाउँदा हामी सम्पूर्ण मन र जोशका साथ खेलमा केन्द्रित हुन सक्छौं ।’

मेटलाइफ नेपालका जनरल म्यानेजर, निर्मल काजी श्रेष्ठले भने,‘हाम्रा क्रिकेट खेलाडीहरू नेपालकै गौरव, एकता र दृढताको प्रतीक हुन्। उनीहरूले प्रत्येक प्रदर्शनमार्फत राष्ट्रलाई प्रेरित गर्दा, हामी उनीहरूको सुरक्षामा निरन्तर साथ दिन पाउँदा गर्वान्वित छौं । टोलीले आगामी ठूला प्रतियोगिताको तयारी गर्दै गर्दा, मेटलाइफ नेपाल उनीहरूको भरोसायोग्य सुरक्षा कवच बनेर साथमा उभिएको छ — जसले हाम्रा राष्ट्रिय हिरोहरूलाई हरेक चुनौती सामना गर्न साहस र आत्मविश्वास प्रदान गर्दछ। किनभने जब हाम्रा खेलाडीहरू निडर भएर खेल्छन्, नेपालको आत्मविश्वास अझ उज्यालो देखिन्छ ।