ग्रोक एआईमार्फत वास्तविक व्यक्तिको अश्लील फोटो बनाउन विश्वभर रोक

काठमाण्डौ । एलन मस्कको सामाजिक सञ्जाल प्लेटफर्म एक्सले आफ्नो एआई टुल ग्रोकमार्फत वास्तविक व्यक्तिहरूका अश्लील फोटो बनाउने काममा विश्वव्यापी रोक लगाएको छ। यो निर्णय महिलाहरू र बालबालिकाका तस्बिरहरूको दुरुपयोग सम्बन्धी उजुरीपछि गरिएको हो।

अबदेखि, यस टुलको प्रयोग गरेर कुनै पनि वास्तविक व्यक्तिको अश्लील वा कम कपडामा देखिने फोटो निर्माण गर्न सम्भव हुनेछैन। यो प्रतिबन्ध पेड र फ्री दुबै प्रकारका प्रयोगकर्तामा लागू गरिएको छ।

एक्सको सुरक्षा विभागले टेक्निकल स्तरमा आवश्यक परिवर्तनहरू गरिएका बताएको छ । जसले गर्दा ग्रोक एआई अब वास्तविक व्यक्तिको नग्न फोटो बनाउन वा बिकिनी जस्ता कपडामा फोटो सम्पादन गर्न असमर्थ हुनेछ। कम्पनीले यो कदम व्यक्तिगत गोपनीयताको संरक्षण र प्लेटफर्मको दुरुपयोग रोक्नका लागि उठाइएको जनाएको छ।

गत डिसेम्बरमा धेरै महिलाहरूले एक्समा आफूहरुको तस्बिरहरू ग्रोक एआईमार्फत अश्लील रूपमा प्रयोग भइरहेको भन्दै उजुरी गरेका थिए। यसपछि सूचना प्रविधि मन्त्रालयको साइबर कानुन विभागले आईटी नियम २०२१ अनुसार सामग्री हटाउन निर्देशन दिएको थियो।

केही प्रयोगकर्ताहरूले सामाजिक सञ्जालमा नक्कली अकाउन्ट बनाएर महिलाहरूका तस्बिरहरू पोस्ट गर्ने र त्यसपछि एआईलाई अश्लील फोटो बनाउन प्रॉम्प्ट दिने गरेका थिए। नयाँ नियमले यस्तो दुरुपयोग पूर्ण रूपमा रोक्ने लक्ष्य राखेको छ।

विशेषज्ञहरूले यो कदमलाई अनलाइन यौन उत्पीडन रोकथाम र गोपनीयता संरक्षणको दिशामा महत्वपूर्ण कदमका रूपमा मूल्याङ्कन गरेका छन्।