.gif)
(1).gif)
काठमाण्डौ । नेपाल स्टक एक्सचेञ्ज(नेप्से)मा यो साता जम्मा ३ दिन कारोबार भयो । ३ दिनमा बजार २ दिन बढ्यो भने १ दिन घट्यो । अघिल्लो साता २००४.०५ मा बन्द भएको बजार यो साता २०२५.७ मा बन्द भयो । यस हिसाबले यो साता बजार २१.६५ अंकले बढ्योे । यो साता सेयर बजारमा ११ अर्ब ८८ करोडको कारोबार भएको छ । अघिल्लो साता बजारमा १३ अर्ब ९४ करोड रुपैयाँबराबरको कारोबार भएको थियो । यस हिसाबले यो साता बजार बढ्दा कारोबार भने घटेको छ । यो साता बजार पूँजीकरण ३२ खर्ब १२ अर्ब पुगेको छ । गत साता बजार पूँजीकरण ३२ खर्ब २७ अर्ब थियो । अघिल्लो साताको तुलनामा यो साता बजार बढेता पनि बजार पूँजीकरण भने घटेको छ ।
प्राविधिक पक्षः
माथि लाग्ने पाँच वेभमा पनि ३ वटा बढोत्तरीका र २ वटा सुधारका वेभ देख्न सकिन्छ । यसमा १, ३, ५ बढोत्तरीको हुन्छ भने २ र ४ मा करेक्सनको हुन्छ । वेभ ५ को करेक्सन वेभ ‘ए’ हो । वेभ ‘ए’, ‘बी’, र ‘सी’ले मूल्य तथा सूचक तल जाने संकेत दिन्छ ।
यो महिनाको बजारलाई लगानीकर्ताको मनोविज्ञान, बजारले बनाएको चक्र, कारोबार र कारोबार रकम समेतको आधारमा हेर्दा ‘सी’ वेभ भित्रको एक १,२,३,४ र ५ चलेको देखिन्छ । जसमा यो साताको बढोत्तरी, वेभ ४ मा आयो । अब चल्ने वेभ ५ ले बजार एकपटक २ हजार तल अर्थात १९७५ सम्म आए पछि मात्रै बजारको करेक्सन सकिन सक्छ ।
जसलाई वेभ १ बराबर वेभ ५ हुन्छ भन्ने इलिअट वेभको सिद्धान्तले पनि पुष्टि गर्छ । त्यसैगरि बजारलाई अन्य इन्डिकेटरबाट हेर्दा बोलिङगर ब्याण्ड र आरएसआईले थप पुष्टि गरेको देखन्छि । यो साता आरएसआई ५० को तहमा प्रतिरोध गरेर तल खसेको छ । प्रायः घट्दो बजारमा यस्तो विन्दु ओभर सोल्ड जोनमा पुगे पछि मात्रै बजारको करेक्सन सकिन्छ । मुभिङ एभरेजमार्फत हेर्दा पनि यो साता बजार ५० दिने मुभिङ एभरेजमा प्रतिरोध सामना गरेर तल खसेको छ ।
.gif)
बोलिङगर ब्याण्ड , म्याक्डी र आरएसआई
बोलिङगर ब्याण्डको आधारमा यो साता बजार मध्य ब्याण्ड अर्थात २०४६ मा प्रतिरोध सामना गरेर तल खसेको छ । यदि आगामी साता पनि बजार २०४६ भन्दा माथि जादैँन भने तल्लो ब्याण्ड अर्थात २०८० आसपास बजार एकपटक आए पछि मात्रै बजारले माथिको यात्रा तय गर्न सक्छ । म्याक्डीमार्फत हेर्दा यो साता बजारमा बुलिस क्रसओभर नजिक पुगेको देखिन्छ । आरएसआईको आधारमा बजारलाई हेर्दा यो साता न्यूट्रल जोनमा प्रतिरोध सामाना गरेर ४७ को तहमा आएको छ । घट्दो बजारमा यस्तो विन्दु ओभर सोल्ड जोनसम्म पनि आउन सक्छ ।
पिभट् विश्लेषण
पिभट् विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –२०७०
प्रतिरोध २ –२०५५
प्रतिरोध १– २०२९
पिभट प्वइन्टः २०१४
घटेमा सपोर्ट
सपोर्ट १– १९८९
सपोर्ट २– १९७५
सपोर्ट ३ –१९४८
निष्कर्ष ः यो साता दोस्रो बजारमा ३ दिनमात्रै सेयर काराबार भयो । जसमा बजार २१.६५ अंकले बढेर बन्द भयो । यद्यपी साताको अन्तिम कारोबारमा बोलिङगरको मध्य ब्याण्ड अर्थात २०४६ मा प्रतिरोध गरेर बजार यहाँबाट माथि जान सकेन । त्यसैगरी मूभिङ एभरेजबाट हेर्दा पनि बजारले ५० दिने मुभिङ एभरेजलाई ब्रेक गरेर माथि जान सकेन ।
यस हिसाबले बजारमा करेक्सन अझै बाँकी नै रहेको देखिन्छ । इलिअट वेभमार्फत सानो अवधिमा बजारको एक महिनाको चक्रलाई नियाल्दा १ देखि ५ वेभ चल्दै गरेको देखिन्छ । यो साता बजारमा आएको बढोत्तरीलाई ४ वेभको सुधार मान्न सकिन्छ । आगामी साता ५ वेभ चल्दा बजार २ हजार भन्दा पनि तल आउँन सक्छ । त्यसपछि मात्रै बजारको हालको करेक्सन सकिएपछि बजारले नयाँ बाटो तय गर्न सक्छ । जसलाई विभिन्न इन्डिकेटर , प्राइस एक्सन र इलिअट वेभले पुष्टि गर्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.gif)
.png)
(142).jpg)
.png)
.png)
.gif)
.gif)
.gif)
