ऋण नतिर्ने ओरेण्टल सहकारीका २८४ ऋणीको तीन पुस्तेसहित नाम सार्वजनिक(सूचिसहित)

काठमाण्डौ । समस्याग्रस्त घोषित ओरेण्टल को-अपरेटिभसँग सम्बन्धित २८४ जना ऋणीहरूको विस्तृत विवरण सरकारले सार्वजनिक गरेको छ । 

भूमि व्यवस्था, सहकारी तथा गरिबी निवारण मन्त्रालय अन्तर्गतको समस्याग्रस्त सहकारी व्यवस्थापन समितिले ऋण असुली प्रक्रिया तीव्र बनाउने क्रममा ऋणीहरूको नामावली सार्वजनिक गर्दै तत्काल दायित्व भुक्तानी गर्न निर्देशन दिएको हो ।

समितिले जारी गरेको सूचनामा ऋणीहरूको नाम, ठेगाना तथा तीन पुस्तेसम्मको विवरण समावेश गरिएको छ । सार्वजनिक सूचनामार्फत समितिले सम्बन्धित ऋणीहरूलाई सम्पर्कमा आई ऋण फरफारक गर्न आग्रह गरेको छ । अन्यथा प्रचलित कानुनअनुसार असुलउपर प्रक्रिया अघि बढाइने चेतावनी समेत दिइएको छ ।

समितिका अनुसार लामो समयदेखि सम्पर्कविहीन रहेका तथा भुक्तानी प्रक्रिया अगाडि नबढाएका ऋणीहरूको विवरण समेत सार्वजनिक गरिएको हो । उक्त नामावली र विस्तृत जानकारी PDF दस्तावेजमार्फत सार्वजनिक गरिएको बताइएको छ ।

सुधीर बस्नेतसँग जोडिएको ओरेण्टल सहकारी वर्षौंदेखि समस्याग्रस्त सहकारीको सूचीमा छ । बचतकर्ताको रकम दुरुपयोग भएको आरोप लाग्दै आएको यस सहकारीका कारण हजारौं बचतकर्ता प्रभावित बनेका छन् ।

सरकारले पछिल्लो कदमलाई बचतकर्ताको रकम फिर्ता गराउने अभियानअन्तर्गतको महत्वपूर्ण प्रक्रिया मानेको छ । ओरेण्टल प्रकरणमा पीडित बचतकर्ताहरूले लामो समयदेखि आफ्नो बचत फिर्ताको माग गर्दै आएका छन् ।

२८४ ऋणि र तिनको तीनपुस्तेको सूचि यस्तो छः