.gif)
_(1).gif)
काठमाण्डौ । शाइन रेसुङ्गा डेभलपमेन्ट बैंक नेपालका विकास बैंकहरु मध्येको एक राष्ट्रिय स्तरको बैंक हो । यो विकास बैंक २०६५ सालमा बुटवल र आसपासका क्षेत्रहरुलाई आधार बनाएर स्थापना भएको थियो । यो बैंकका हालसम्म केन्द्रीय कार्यालयसहित देशभर ९० वटा शाखा कार्यालय सञ्चालनमा छन् । जसमा १८ वटा एटीएम र १ वटा एक्सटेन्सन काउण्टर पनि छन् ।
आधारभूत पक्षः
यो बैंकको यस आर्थिक वर्षको तेस्रो त्रैमासिक प्रतिवेदन अनुसार बैंककोे चुक्तापूँजी ४ अर्ब ७३ करोड रुपैयाँ रहेको छ । बैंकको रिटेन्ड अर्निङ १४ करोड ८८ लाख रुपैयाँ , जगेडा कोष १ अर्ब ८१ करोड , कुल पूँजी ६ अर्ब ६९ करोड रहेको छ भने खुद मुनाफा ५१ करोड ४६ लाख रहेको छ ।
यस्तै बैंकको प्रतिसेयर आम्दानी(ईपीएस) १४.५ रुपैयाँ , बुक भ्यालु १४१.४ रुपैयाँ , रिर्टन अन इक्विटी १०.२५ रुपैयाँ र खराब कर्जा ३.४१ प्रतिशत रहेको छ । बैंकको १० वर्षको औषत लाभांश दर १८.६ प्रतिशत रहेको छ ।
(1).gif)
प्राविधिक पक्षः
फिएर एण्ड ग्रिड मिटर
फिएर एण्ड ग्रिड मिटरको आधारमा यो बैंक हाल न्यूट्रल सेन्टिमेन्टमा चलेको छ । यो भनेको बैंकमा लगानीकर्ताहरु खरिद तथा बिक्रीमा तटष्थ छन् भन्ने हो । बैंकको ५२ साताको उच्च मूृल्य ४३५ रुपैयाँ र न्यून मूल्य ३१५ रुपैयाँ रहेको छ । हाल दोस्रो बजारमा यो बैंकको सेयरमूल्य प्रतिकित्ता ३७१ रुपैयाँमा अन्तिम कारोबार भएको छ । यो बैंकमा ५१ प्रतिशत सेयर स्वामित्व संस्थापक समूह र ४९ प्रतिशत सेयर स्वामित्व सर्वसाधारण समूहको छ ।
बोलिङगर म्याक्डी र आरएसआई
बोलिङगर ब्याण्डको आधारमा यो बैंकको मूल्य रेखाले तल्लो ब्याण्डमा छोएर हाल मध्य ब्याण्ड भन्दा माथि लागेको छ । म्याक्डीमा पनि बुलिस क्रसओभर बनेको छ । हिस्टोग्राम सकरात्मक र लामा–लामा बन्दै गएका छन् । आरएसआई पनि ४० को तहबाट फर्केर हाल न्यूट्रल जोनभन्दा माथि ५२ को तहमा पुगेको छ ।
समग्रमा ३ वटै इन्डिकेटरबाट नियाल्दा यो बैंकको सेयर भाउ विस्तारै माथिको यात्रामा चल्दै गरेको देखिन्छ । मनिफ्लो इन्डेक्सबाट हेर्दा यो बैंकको सेयरभाउमा बुलिस डाइभर्जेन्स देखिन्छ ।
पिभट् विश्लेषणः
पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानि यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –३८३
प्रतिरोध २ –३७६
प्रतिरोध १– ३६७
पिभट प्वइन्टः ३६०
घटेमा सपोर्ट
सपोर्ट १– ३५१
सपोर्ट २– ३४४
सपोर्ट ३ –३३५
निष्कर्षः आधारभूत रुपमा यो बैंकलाई नियाल्दा चालु आवको तेस्रो त्रैमाससम्म बैंकको वितरणयोग्य मुनाफा , रिर्टन अन इक्विटी र प्रतिसेयर आम्दानी घटेको देखिन्छ । बुक भ्यालु भने २.१६ प्रतिशतले बढेको देखिन्छ ।
यस्तै खुद मुनाफामा ७.१९ प्रतिशतको गिरावट आएको छ । बैंकको खराव कर्जा अनुपात ६१.६१ प्रतिशतले बढेको छ ।
प्राविधिक रुपमा हेर्दा बैंककोे सेयर भाउ गत वर्षको अप्रिल महिनामा प्रतिकित्ता २५० को न्यून स्तरमा पुगेको देखिन्छ । त्यहाँबाट हाल बैंकको सेयर मूल्य यसै बर्ष ४३५ रुपैयाँ सम्म पुगेको देखिन्छ । हाल दोस्रो बजारमा यो बैंकको सेयरमूल्य प्रतिकित्ता ३७१ रुपैयाँमा अन्तिम कारोबार भएको छ । जसलाई नियाल्दा यो बैंकको मूल्य बढ्दो गतिमा देखिन्छ । विभिन्न इन्डिकेटर मनिफ्लो इन्डेक्स ,बोलिङगर ब्याण्ड ,म्याक्डी तथा आरएसआईबाट नियाल्दा पनि बैंककोे सेयर भाउले विस्तारै अप ट्रेण्ड लिंदै गरेको देखिन्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.gif)
.png)
(86).jpg)
.jpg)
.jpg)
.gif)
.gif)
