.gif)
_(1).gif)
.png)
काठमाण्डौ । यो साता सेयर बजारमा ४ दिन कारोबार भयो । चार दिनमा बजार ३ दिन बढ्यो भने १ दिन घट्यो । अघिल्लो साता १ हजार ९६५.९३ विन्दुमा बन्द भएको बजार यो साता १ हजार ९९८.९६ विन्दुमा बन्द भयो । यस हिसाबले यो साता सेयर बजारमा ३३.०३ अंकको सुधार आयो । यो साता दोस्रो बजारमा १४.४५ अर्बको कारोबार भयो । यस्तो कारोबार अघिल्लो साता ८.५० अर्बबराबरको भएको थियो । यस हिसाबले यो साता दोस्रो बजारमा नेप्से सूचक र कारोबार दुबै बढ्यो । यो साता बजार पूँजीकरण ३१ खर्ब ६९ अर्ब पुगेको छ । अघिल्लो साता बजार पूँजीकरण ३१.१७ खर्ब रहेको थियो । यस हिसाबले यो साता बजार सुधार हुँदा बजार पूँजीकरण पनि ५२ अर्बले बढ्यो ।
मुभिङग एभरेजको आधारमा
मुभिङ एभरेजलाई अर्को शब्दमा रोलिङग एभरेज वा रनिङ एभरेज पनि भनिन्छ । प्राविधिक विश्लेषणको यो विधि सेयर डेरिभेटिभ तथा विदेशी मुद्रा कारोबारमा उत्तिकै प्रयोगमा आउँछ । मुभिङग एभरेज भनेको निश्चित तथ्यांकको एउटा औषत समूह बनाएर प्रस्तुत गरेको रेखालाई बुझिन्छ । विशेष गरि यस्तो तथ्यांक १०,२०, ४०,५० तथा २०० दिने बनाउने गरिन्छ ।
(1).gif)
बजारमा छोटो समयको उचारचढाव हेर्न छोटो र लामो समयको उतारचढाव हेर्न लामो समयको तथ्यांकको समूह बनाएर औषत तथ्यांक बनाइन्छ । मुभिङग एभरेज खासगरि टेवा(सपोट) र अवरोध पत्ता लगाउन प्रयोग गरिन्छ । घट्दो बजारमा मूल्य रेखा मुभिङ एभरेजको रेखा भन्दा तल झर्छ भने बढ्दो बजारमा मूल्य रेखा मुभिङग एभरेजको रेखा भन्दा माथि रहने गर्छ । अर्थात बढ्दो बजारमा यसले टेवा र घट्दो बजारमा प्रतिरोधको काम गरेको हुन्छ ।
यो साता ५० दिने मुभिङग एभरेजमा बजारले प्रतिरोध सामाना गरेको छ । यस अघि पनि बजारले १० अप्रिलमा २०४६ को विन्दुमा प्रतिरोधको सामाना गरेको थियो । बजारले पटक–पटक ५० दिन मुभिङ एभरेजमा प्रतिरोध सामना गरेकाले बजार अहिले नै मजबुत भने नरहेको देखिन्छ ।
बोलिङगर ब्याण्ड , म्याक्डी र आरएसआई
यो साताको बजारलाई बोलिङगर ब्याण्डमार्फत नियाल्दा तल्लो ब्याण्ड छोएर फर्केको बजार मध्य ब्याण्डमा टिकेको छ । म्याक्डीमा बुलिस क्रसओभर बनेको छ भने हिस्टोग्राम पनि सकरात्मक बनेका छन् । आरएसआई न्यूट्रल जोन ४७ को तहमा रहेको छ । समग्रमा तीन वटै इन्डिकेटरबाट नियाल्दा बजार करेक्सन हुँदै माथिको यात्रा तय गर्दै गरेको देखिन्छ ।
सुपर ट्रेण्ड
सुपर ट्रेण्डमार्फत बजारलाई नियाल्दा हाल बजार ट्रेण्डलाईन भन्दा तल नै चलेको छ । अर्थात मूल्य रेखाहरु ट्रेण्डलाईन भन्दा तल चलेका छन् । सुपर ट्रेण्डको रंग पनि हरियोबाट रातो नै बनेको छ । सुपर ट्रेण्डको आधारमा बजार २०४० भन्दा माथि लागेमा अप ट्रेण्ड लिन सक्छ ।
पिभट् विश्लेषण
पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतार चढाव निकालिन्छ ।
बढेमा प्रतिरोध
प्रतिरोध ३ –२०२७
प्रतिरोध २ –२०१०
प्रतिरोध १– १९८८
पिभट प्वइन्टः १९७०
घटेमा सपोर्ट
सपोर्ट १– १९४८
सपोर्ट २– १९३१
सपोर्ट ३ –१९०९
निष्कर्ष ः यो साता दोस्रो बजारमा ४ दिनमात्रै सेयर कारोबार भयो । जसमा बजार ३ दिन बढ्यो भने १ दिन मात्रै घट्यो । अघिल्लो साता बजार ६ अंकले घटेर बन्द भएको थियो । अघिल्लो साताहरुमा लगातार २ साता घटेको बजारमा यो साता भने सूचक र कारोबार दूबैमा बढोत्तरी आएको छ ।
यद्यपि बजारलाई मुभिङ एभरेजमार्फत नियाल्दा ५० दिन मुभिङ एभरेज र पिभट् प्वइन्टको तेस्रो विन्दुमा प्रतिरोध सामना गरेको छ । त्यसकारण आगामी दिनमा बजार यदि २०४० भन्दा माथि कारोबार र भोल्युमसहित टिक्छ भने बजारले माथिको यात्रा तय गर्न सक्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.gif)
.png)
(86).jpg)
.jpg)
.jpg)
.gif)
.gif)
