.gif)
.png)
काठमाण्डौ । सरकारले एक सय विघाभन्दा बढी जमिनमा वासनादार धान खेती गर्ने परियोजनालाई बीमा प्रिमियममा छुट र सहुलियतपूर्ण कर्जा उपलब्ध गराउने भएको छ । अर्थमन्त्री वर्षमान पुनले आगामी आर्थिक वर्षका लागि बजेटमार्फत यस्तो व्यवस्था गरिने बताएका हुन् ।
अर्थमन्त्रीले एक सय विघाभन्दा ठूलो चक्लामा वासनादार धान खेती गर्ने ७ वटा नमुना परियोजनालाई सहज रुपमा मल,बीउ,प्राविधिक सेवा तथा सहुलियतपूर्ण कर्जा उपलब्ध गराउने र बीमा प्रिमियममा छुट दिने व्यवस्था गरिएको बताए । सरकारले प्रधानमन्त्री कृषि आधुनिकीकरण परियोजनाका लागि २ अर्ब ७८ करोड रुपैयाँ विनियोजन गरेको छ ।
यस्तै सरकारले हिमाल र पहाडमा ५० रोपनी र तराईमा १० विघाभन्दा बढी जमिन एकीकरण र चक्लाबन्दी गरी व्यवसायिक रुपमा सामूहिक खेती,पशुपन्क्षी पालन एंव जडिबुटी खेती गर्ने व्यक्ति फर्म तथा सहकारीलाई ब्याज अनुदान, प्राविधिक सहयोग र मेशिनरी आयातमा कर छुट प्रदान गर्नेछ ।
.png)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।