.gif)
_(1).gif)
.jpg)
.png)
काठमाण्डौ । अमेरिकी सेयर बजारमा सूचीकृत कम्पनीका सीईओहरुले कर्मचारीहरुको तुलनामा झण्डै २०० गुणा बढी आर्जन गर्ने गरेको तथ्य सार्वजनिक भएको छ । एशोसिएटेड प्रेसले सर्वाजनिक गरेको रिपोर्टका अनुसार आर्जनको विषयमा अमेरिकी सेयर बजारमा सूचीकृत कम्पनीमा कार्यरत सीईओ र कर्मचारीहरुबीचको खाडल व्यापक वृद्धि भएको छ ।
रिपोर्टका अनुसार एस एण्ड पी मा सूचीकृत कम्पनीका सीईओहरुको औषत कमाई आम कर्मचारीको तुलनामा १९६ गुणाले बढी छ । यो अनुपात सन् २०२२ मा १८५ गुणा थियो ।
सीईओहरुलाई प्रदान गरिने तलब लगायतका सेवा सुविधा कम्पनीको सेयरमूल्य समेतका आधारमा निर्धारण हुने भएकाले सीईओहरुको तलब कर्मचारीहरुको तुलनामा तीव्र गतिमा बढीरहेको छ । अधिकांश कर्मचारीहरु भने दैनिक जीवनयापन गर्न समेत धौधौ हुने अवस्थामा काम गरिरहेको रिपोर्टमा उल्लेख गरिएको छ ।
सन् २०२३ मा एस एण्ड पीका सीईओहरुले औषत कुल १६.३ मिलियन डलरबराबरको तलवसुविधा पाएका थिए । जुन सन् २०२२ को तुलनामा १२.६ प्रतिशतले धेरै हो । अन्य कर्मचारीहरुले पनि पैसा आर्जन गरिरहेको तर उनीहरुको कमाउने गति भने निकै कम रहेको रिपोर्टमा उल्लेख गरिएको छ ।
सन् २०२३ मा कर्मचारीहरुले औषत वार्षिक तलब ८१ हजार ४६७ थियो । यो सन् २०२२ को तुलनामा ५.२ प्रतिशतले धेरै हो । बढेदो महंगी र कार इन्स्योरेन्स जस्ता दायित्व बहन गर्न भने यो रकम कम भएको रिपोर्टमा जनाइएको छ । अमेरिकामा अहिले मुद्रास्फिती घटेतापनि अझै सामान्य भन्दा भने बढी नै छ ।
(1).gif)
अमेरिकामा सीईओहरुको तलब सुविधा स्कट मार्केटको प्रदर्शनका आधारमा निर्धारण हुने गर्छ । सीईओहरुले तलब पाएता पनि उनीहरुले कुल तलब सुविधा भने स्कट रिवाड्सबाट प्राप्त गर्ने गर्छन् । गत वर्ष सीईओहरुको कुल तलब सुविधामा स्कट रिवाड्सको हिस्सा ७० प्रतिशत रहेको थियो ।
गत वर्ष अमेरिकी सेयर बजार एस एण्ड पी ५०० २४ प्रतिशतले बढेको थियो ।
गत वर्ष ब्रोडकमका सीईओ हक टानले सर्वाधिक तलब सुविधा पाएका थिए । उनले एक वर्षमा १६१.८ मिलियन डलरबराबरको तलब सुधिाव थापेका थिए । यसमा अधिकांश हिस्सा स्कट रिवाड्स रहेको छ । गत वर्ष कम्पनीको सेयरमूल्य झण्डै दोब्बरले वृद्धि भएको थियो । जसका कारण उनको तलब सुविधा व्यापक बढेको हो ।
टानले प्राप्त गरेको यो रकम कम्पनीका कर्मचारीले प्राप्त गरेको औषत तलबको तुलनामा ५१० गुणा बढी हो । -एजेन्सी
.png)
.jpg)
.jpg)
.jpg)
.gif)
(1).gif)
.gif)
