.gif)
_(1).gif)
काठमाण्डौ । नेपाल इन्फ्रास्टक्चर बैंक(निफ्रा ) र हाइड्रो इलेक्ट्रिसिटी डेभलपमेन्ट कम्पनी लिमिटेड(एचआइडीसीएल)ले लामो समय बित्दा पनि लाभांश नपठाएको लगानीकर्ताहरुले गुनासो गरेका छन् ।
मंगलबार ब्रोकर हाउसमा भेटिएका र क्लबहाउसमा बोल्ने लगानीकर्ताहरुले यस्तो आरोप लगाएका हुन् ।
(1).gif)
निफ्राले पुस ५ गते बुक क्लोज गरेर पुस १७ गते साधारणसभा गरेको थियो भने एचआइडीसीएलले पनि पुष १७ गते बुकक्लोज गरेको थियो । एचआइडीसीएलले पुष २९ गते साधारणसभा गरेको थियो । यो कम्पनीले लगानीकर्ताहरुलाई चुक्तापूँजीको ५.२६ प्रतिशत नगद लाभांश दिने प्रस्ताव पास गरेको थियो ।
त्यसैगरी निफ्राले लगानीकर्ताहरुलाई चुक्तापूँजीको ४.१७ प्रतिशतले लाभांश दिने प्रस्ताव पारित गरेको थियो । निफ्राले साधारणसभा गरेको नै एकमहिना बितेको छ भने एचआइडीसीएलको पनि करिब १५ दिन समय बितेको छ । ब्रोकरहाउसमा भेटिएका एक लगानीकर्ताले पैसा नआउनुमा ग्लोबल आइएमई क्यापिटललाई दोष दिएका छन् ।
उनले भने–‘यी दुवै कम्पनीका बिक्री प्रबन्धक ग्लोबल आइएमई क्यापिटल हो । यो क्यापिटलले पैसा पठाउने विषयमा सधैं यस्तै गर्छ ।’ फोन गरेको खण्डमा पनि भोलि भन्ने गरेको ती लगानीकर्ताले आरोप लगाए । ग्लोबल आइएमई क्यापिटलकी उपकार्यकारी निर्देशक नलिना श्रेष्ठले निफ्राको पैसा पठाउने कार्य भइरहेको दाबी गरिन् ।
उनले भनिन्–‘केही लगानीकर्ताहरुको खाता नम्बर नमिलेर, केहीको खाता ब्लक भएर वा डोरम्याटमा गएका कारण वा मर्ज हुँदा खाता नम्बर नमिलेको अवस्थामा मात्रै खातामा पैसा नगएको हो । कसैले क्यापिटलमा १२ बजे अगाडि फोन गरेमा त्यही दिन र त्यसपछि फोन गरेरको खण्डमा भोलिपल्ट नै निफ्राको पैसा हालिदिने गरेका छौं ।’ श्रेष्ठले एचआइडीसीएलको विषयमा भने सरकारबाटै स्वीकृति आउनुपर्ने भएकोले केही समय ढिलो भएको स्वीकार गरिन् । ‘यो विषयमा हामीले पनि एचआइडीसीएलमा कुरा गरेका छौं, तपाइँहरुले पनि फ्लो गरिदिनु पर्यो ।’ बिजशालाले निफ्रामा सम्पर्क गर्न खोज्दा कुनै पनि उपल्लो तहका कर्मचारी सम्पर्कमा आउन चाहेनन् ।
कार्यालयको फोन उठाउने एक महिला कर्मचारीले केही उपल्लो तहका कर्मचारी बिदेश भ्रमणमा रहेका र केही भने कार्यालयबाहिर रहेको जानकारी दिइन् ।
.gif)
(1).jpg)
.jpg)
(1).gif)
.gif)
