(2).gif)
.png)
काठमाण्डौ । सामाजिक सञ्जाल फेसबुकको कम्पनी मेटाले पूर्व अमेरिकी राष्ट्रपति डोनाल्ड ट्रम्पको अकाउन्टमाथि लागेको प्रतिबन्ध हटाउने घोषणा गरेको छ । मेटाले गत शुक्रबार ट्रम्पको आधिकारीक फेसबुक र इन्स्टाग्राममाथिको प्रतिबन्ध हटाउने घोषणा गरेको हो ।
कम्पनीले आगामी साताबाट सुरु हुन लागेको रिपब्लिकन पार्टीको राष्ट्रिय अधिवेशन अघि ट्रम्पको अकाउन्टमाथिको प्रतिबन्ध हटाउन लागेको छ ।
रिपब्लिकनबाट राष्ट्रपतिका लागि अपेक्षित उम्मेदवार र डेमोक्रयाटका उम्मेदवार जो बाइडेनबीच समानता कायम होस् भन्ने अभिप्रायले ट्रम्पको फेसबुक र इन्स्टाग्राममाथिको प्रतिबन्ध हटाउन लागेको कम्पनीले जनाएको छ ।
‘राजनीतिक अभिव्यक्तिलाई अनुमति दिने हाम्रो दायित्वको मूल्यांकन गर्दा अमेरिकी जनताले राष्ट्रपति पदका उम्मेदवारहरुबाट समान रुपमा धारणा सुन्न पाउनुपर्छ भन्ने हाम्रो धारणा रहेको छ,’ मेटाले विज्ञप्तीमा उल्लेख गरेको छ ।
सन् २०२१ जनवरी ६ मा ट्रम्पको फेसबुक र इन्स्टाग्राममाथि लगाइएको २ वर्षको प्रतिबन्ध सन् २०२३ को सुरुवातमा पुनः थप गरिएको थियो ।
मेटाले प्रतिबन्ध लगाएपछि ट्रम्पले सन् २०२२ मा आफ्नै छुट्टै सामाजिक सञ्जाल साइट बनाएका थिए । जसको नाम ट्रुथ हो । -एजेन्सी
.png)
(1).jpg)
.jpg)
