.gif)
_(1).gif)
.jpg)
.png)
काठमाण्डौ । थप दुई बीमा कम्पनीले हकप्रद सेयर निष्कासनको प्रक्रिया अघि बढाएका छन् । सन नेपाल लाइफ र नेपाल इन्स्योरेन्सले हकप्रद जारी गर्न नेपाल धितोपत्र बोर्डसँग अनुमति मागेका छन् ।
सन नेपाल लाइफले बोनस सेयर पश्चात् कायम चुक्तापुँजी ३ अर्ब ९६ करोड १६ लाख रुपैयाँको २७ प्रतिशत हकप्रद ल्याउन अनुमति मागेको छ । धितोपत्र बोर्डले अनुमति दिएमा कम्पनीले १ अर्ब ६ करोड ९६ लाख ३२ हजार रुपैयाँबराबरको हकप्रद जारी गर्नेछ । जसअनुसार कम्पनीले आफ्ना शेयरधनीहरुलाई १०० रुपैयाँ अंकित दरका कुल १ करोड ६ लाख ९६ हजार ३२० कित्ता हकप्रद शेयर जारी गर्नेछ ।
(1).gif)
सन नेपाल लाइफको हकप्रद बिक्री प्रबन्धकमा नेपाल एसबीआई मर्चेन्ट बैंकिङ रहेको छ । कम्पनीले असार २३ गते बोर्डमा आवेदन दिएको हो ।
त्यस्तै, नेपाल इन्स्योरेन्सले पनि प्राधिकरणको निर्देशनअनुसार चुक्तापुँजी बढाउने प्रयोजनकै लागि हकप्रद जारी गर्न बोर्डसँग अनुमति मागेको हो । कम्पनीले चुक्तापुँजीको ४० प्रतिशत हकप्रद ल्याउन अनुमति मागेको छ ।
बोर्डले अनुमति दिएमा कम्पनीले ६५ करोड ७६ लाख ९३ हजार ७७६ रुपैयाँबराबरको हकप्रद जारी गर्नेछ । जसअनुसार कम्पनीले आफ्ना शेयरधनीहरुलाई १०० रुपैयाँ अंकित दरका कुल ६५ लाख ७६ हजार ९३७.७६ कित्ता हकप्रद शेयर जारी गर्नेछ ।
नेपाल इन्स्योरेन्सको हकप्रद बिक्री प्रबन्धकमा एनआईएमबी एस क्यापिटल रहेको छ । कम्पनीले असार २४ गते बोर्डसँग हकप्रदका लागि अनुमति मागेको हो ।
.png)
.jpg)
(1).jpg)
.jpg)
(1).png)
.gif)
(1).gif)
.gif)
