.gif)
_(1).gif)
.jpg)
.png)
काठमाण्डौ । जो बाइडेन अमेरिकी राष्ट्रपति निर्वाचनको दौडबाट बाहिरिएका छन् । आगामी नोभेम्बर महिनामा आयोजना हुने निर्वाचनमा बाइडेनले उम्मेद्वारी नदिने भएका हुन् ।
बाइडेनले डेमोक्रेटिक पार्टीबाट कमला ह्यारिसलाई राष्ट्रपतिको उम्मेदवारको रुपमा समर्थन गर्ने बताएका छन् । ८१ वर्षिय बाइडेनले आइतबार लिखित विज्ञप्ती जारी गर्दै उम्मेदवारीबाट नाम फिर्ता लिनु आफ्नो पार्टी र देशका लागि सबैभन्दा उत्तम विकल्प भएको बताएका छन् ।
(1).gif)
गत साता रिपब्लिकन पार्टीका उम्मेद्वार डोनाल्ड ट्रम्पमाथि हत्या प्रयास भएपछि बाईडेनको यस्तो घोषणा आएको हो । यो घटनाबाट ट्रम्पले सेन्टिमेन्ट भोट प्राप्त गर्ने सम्भावना धेरै भएकाले बाइडेनले ट्रम्पलाई पराजित गर्न गाह्रो हुने डेमोक्रेटिक पार्टीका शीर्ष तहका नेताहरुले बताएका थिए । जसका कारण बाइडेनलाई राष्ट्रपतिको उम्मेदवारीबाट पछि हट्न दबाव परेको थियो । यसका साथै उनको स्वास्थ्य अवस्थालाई लिएर समेत उनीमाथि दबाव सिर्जना गरिएको थियो ।
बाईडेनलाई राष्ट्रपतिको उम्मेदवारको रुपमा छनौट गर्न सुरुवाति प्रक्रियामा १४ लाख डेमोक्रेटले मतदान गरिसकेका थिए ।
कमला ह्यारिसले बाइडेनको कदमको खुलेर प्रशंसा गरेकी छिन् । उनले बाइडेनको निर्णयलाई निःस्वार्थ र देशभक्तीपूर्ण कदम भन्दै प्रशंसा गरेकी छिन् । उनले आफूले पार्टीबाट राष्ट्रपतिको निर्वाचनका लागि उम्मेदवारी जित्ने पनि विश्वास व्यक्ति गरेकी छिन् । ‘ म आफ्नो बलबुताले भ्याएसम्म डेमोक्रेटिक पार्टी र समग्र देशलाई एकताबद्ध गर्न तथा डोनाल्ड ट्रम्प र उनको अजेण्डालाई पराजित गर्न जुनसु्कै कार्य गर्न तयार छु ।’ उनले भनिन् ।
.png)
.jpg)
.jpg)
.jpg)
.gif)
(1).gif)
.gif)
