.gif)
_(1).gif)
.jpg)
.png)
काठमाण्डौ । नेपाल राष्ट्र बैंकले चालु आर्थिक वर्ष २०८१/८२ का लागि आज मौद्रिक नीति सार्वजनिक गर्ने भएको छ। केन्द्रीय बैंकले मौद्रिक नीति पारित गर्न आज बिहान ८ बजे सञ्चालक समितिको बैठक डाकेको छ। सञ्चालक समितिले मौद्रिक नीति पारित गरेपछि आजै दिउँसो १ बजेभित्र मौद्रिक नीति सार्वजनिक गर्ने तयारी राष्ट्र बैंकले गरेको छ ।
यसअघि गत आइतबार ल्याउने भनेर ठिक्क पारिएको मौद्रिक नीति अन्तिम अवस्थामा तयारी नपुगेको भन्दै रद्द गरिएको थियो । प्रधानमन्त्री केपी शर्मा ओलीले समेत मौद्रिक नीतिको मस्यौदाको विषयमा चासो राखेपछि र आफ्नो सचिवालयको राय समेत संलग्न हुनुपर्ने निर्देशन दिएपछि सार्वजनिकका लागि ठिक्क पारिएको मौद्रिक नीति स्थगित भएको थियो ।
(1).gif)
राष्ट्र बैंकले मौद्रिक नीतिलाई नै फाइनल गर्ने उदेश्यले गत शुक्रबार बिहान ८ बजे सञ्चालक समितिको बैठक समेत बोलाईसकेको थियो । नयाँ सरकार गठन पछि लगानीकर्तामा उत्साह देखिएको र यसलाई निरन्तरता दिने उद्देश्यले थप लचक नीतिहरु संलग्न गर्नुपर्ने उच्च राजनीतिक नेतृत्वले महशुस गरेका कारण समेत मौद्रिक नीति केहि पछि धकेलिएको हो ।
राष्ट्र बैंकको व्यवस्थापन समितिले मौद्रिक नीतिको मस्यौदा यसअघि नै पास गरिसकेकाले आज पुनः व्यवस्थापन समिति बैठक बस्ने छैन । यसर्थ आज सञ्चालक समितिबाट अनुमोदन भएपछि मौद्रिक नीति सार्वजनिक हुनेछ ।
यसपालीको मौद्रिक नीतिलाई सेयर लगानीकर्ता लगायत उद्योगी व्यवसायीले निकै चासोको रुपमा लिएका छन् । सरकाले केही लचक मौद्रिक नीति ल्याउने संकेत गरेकाले सेयरबजारका लगानीकर्ता पूँजीबजार र लगानीमैत्री मौद्रिक नीति आउने अपेक्षामा छन् ।
राष्ट्र राष्ट्र बैंकका गभर्नर महाप्रसाद अधिकारीले लचिलो मौद्रिक नीति ल्याउने सङ्केत गरेका छन् भने अर्थमन्त्री विष्णुप्रसाद पौडेलले पनि अहिलेको अभावलाई सम्बोधन गर्ने गरी मौद्रिक नीति आउने बताउँदै आएका छन् ।
.gif)
.png)
(59)(2)(129).png)
.jpg)
(59)(2)(128).png)
.jpg)
(1).gif)
.gif)
