.gif)
_(1).gif)
.jpg)
काठमाण्डौ । आज नेप्सेमा ३१ वर्षे इतिहासकै उच्च कारोबार भएको छ । नेप्सेमा विसं २०५० माघ ३० गतेबाट औपचारिक कारोबारको सुरुवात भएको थियो । नेप्सेका प्रवक्ता मूराहरी पराजूलीका अनुसार त्यो समयमा दैनिक लाखमा मात्रै कारोबार हुन्थ्यो । तर आज आएर दैनिक कारोबार २२ अर्ब नजिक पुगेको छ ।
कालिका सेक्युरिटिज (स्टक ब्रोकर नम्बर ४६) का सञ्चालक नरेन्द्र सीजापतिले आगामी ३ महिनाभित्र नप्सेमा दैनिक ५० अर्बको कारोबार हुने आधार बन्दै गएको बताएका छन् । सिजापतिका अनुसार त्यसरी ५० अर्बको कारोबार हुने पहिलो आधारका रुपमा कम्पनीहरुको सेयर मूल्य बढ्दै जानु हो । आज नेप्सेमा ५ करोड कित्ता बढीको सेयर कारोबार भएको छ । यहि सेयरको भाउ बढ्दै जाँदा कारोबार रकम पनि बढ्दै जाने तर्क सिजापतिको रहेको छ ।
(1).gif)
दोसो आधार भनेको सरकारले १२ प्रतिशत कर्जा विस्तारको योजना लिएको छ । ‘सरकारी योजना अनुरुप एक त्रैमासमा ४ प्रतिशतले कर्जा विस्तार हुनु पर्छ । त्यस्तो कर्जा तत्काल आउने भनेको सेयरमा नै हो । कर्जा विस्तारको हिसाबले पनि अब नेप्सेमा दैनिक ५० अर्बको कारोबार हुन सक्छ ,’ उनले भने ।
नेपाल इन्भेष्टर फोरमाका निवर्तमान अध्यक्ष छोटेलाल रौनियार पनि नेप्सेमा अब ५० अर्बसम्मको कारोबार हुन सक्ने स्वीकार गर्छन ।
सेयर बजारमा दैनिक कारोबार बढ्दै जाँदा लगानीकर्ता भने टीएमसको समस्या दोहोरिने चिन्तामा रहेका छन् । तर वाईको कम्पनीले भने ५० अर्ब नै कारोबार भएता पनि केही समस्या नहुने र लगानीकर्ता तथा ब्रोकरलाई ढुक्क हुन आग्रह गरेको छ । वाईको कम्पनीका एक अधिकारी अमृत आचार्यले भने अहिले दैनिक ८ लाखदेखि १० लाख सम्मको अर्डर प्लेस हुने गरेको बताए । ‘सर्किट ब्रेक लागेको दिन ५ प्रतिशतको बढोत्तरी पछि दोहोर अर्डर बसेर केही समस्या देखिएको थियो । लगानीकर्ता ढुक्क भए हुन्छ टीएमएसमा अब कुनै समस्या हुन्न् । आज भएको अल टाइम हाइ कारोबारमा त्यस्तो केही पनि समस्या भएन र अब पनि हुँदैन,’ आचार्यले भने ।
.gif)
.png)
(86).jpg)
.jpg)
.jpg)
.gif)
.gif)
